မောင့်ကိုလွမ်းတဲ့ ညလေး

မောင့်ကို 

လွမ်းခဲ့ဖူးတဲ့ - ညလေး

စံပယ်တွေပွင့် 

ချယ်ရီတွေကလွင့်တဲ့ - ညလေး

လမ်းမီးတွေ ဝေေ၀၀ါးဝါး

အမြင်အာရုဏ်က ထွေပြား

မြူခိုးတွေလား -

နှင်းကျသံတွေ 
တစ်ဖျောက်ဖျောက်ကြားနေဆဲ

အဲဒီ ညလေး

မြင်ရသမျှ ပတ်ဝန်းကျင်

အရာအားလုံး မှိုင်းပျပျ နဲ့

အသိတွေကို ထိန်းချုပ်မရ ပဲ

မြစိမ်းတောင်က မှုံဝါးဝါး

မောင့်ကိုချစ်ခဲ့ဖူးတဲ့ ညလေး

နှင်းမိုးတွေ တဖွဲဖွဲ တသဲသဲ

မျက်ရည်တွေက နှလုံးသားမှာ

ရွှဲနစ်ပြီး - အေးချမ်းမှုတွေက ယိုင်နဲ့နဲ့

သောက လမ်းပေါ်က 

အိမ်မက်လေး ဖြစ်လို့သွား

ရင်ဘတ်ထဲက သစ်ပင်

မခိုင်မြဲတော့

ပြိုလှဲ

ကြွေကွဲ

ဆွဲမဲ့သူ မရှိ

တွဲမဲ့သူမရှိ

သစ်ပင်လေးရေ

အိပ်မက်ရဲ့ တနင်္ဂနွေ အားလုံး

သိုးကလေး ဟန်ဆောင်ပြီး

အပိုင်သိမ်းလိုက်တာများလား

ကြယ်တွေကစိတ်ဆိုးပြီး

နေမင်ကြီးမျက်ရည်ကျ

ငွေစန္ဒာ တိမ်တွေဖုန်း --- အိုကွယ်

လောကရယ် ဘာမှမရှိတော့ပါလား ။ 

စာချစ်သူ ကဗျာချစ်သူများအားလုံးရဲ့

ထာဝရ jasmine

စဉ်းစားပြီးမှရယ်ပါ

(မေတ္တာရှင်)

သူငယ်ချင်းနှစ်ယောက် အချစ်အကြောင်းဆွေးနွေး နေကြသည်၊ တစ်ယောက်က ပြောသည်။
"အိမ်ထောင်ကျပြီးသည့်နောက်မှာ လူဟာ သိသိသာသာ ကြီးပြောင်းလဲသွားတတ်ပါကလား၊
ကြည့်လေ လက်မထပ်ခင်တုန်းကဆိုရင် ကမ္ဘာပေါ်မှာရှိတဲ့ အမျိုးသမီးမှန်သမျှကို ငါလိုချင်တပ်မက်တဲ့စိတ်
ရှိခဲ့တယ်"
"အခုကော"
"တစ်ယောက်လျော့သွားတယ်"

(မျော်လင့်ချက်)

"ခင်ဗျားမိန်းမကိုိ ခင်ဗျား လွတ်လပ်ခွင့် ပေးလွန်းတယ်၊ ခင်ဗျားမိန်းမ သူများနောက်ပါသွားမယ်နော်၊
သတိထား"
"ကျွန်တော် အဲဒီ မျော်လင့်ချက်နဲ့ နေနေတာ ၅ နှစ်ရှိပြီ"

(မှာတဲ့အတိုင်းလုပ်မှပေါ့)

စိတ်မနှံ့သော သားအဖ စားပွဲတွင်ထိုင်နေကြသည်၊ အဖေ ကပြောသည်။
"ရော့ ပိုက်ဆံယူသွား ဒီပိုက်ဆံနဲ့ ပေါင်မုန့် နဲ့ နွားနို့ ၀ယ်ခဲ့ ၊သေသေချာချာမှတ်၊ ပစ္စည်းနှစ်ခု ၀ယ်ဖို့ ငါမှာတယ်၊
မမှားစေနဲ့၊ ပစ္စည်းနှစ်ခုနော်"
မကြာမီ      သားဖြစ်သူသည် သွားပွတ်တံ ကိုင်ပြီး ပြန်လာသည်၊ အဖေ ကစိတ်ပျက် လက်ပျက်ပြောသည်။
"မင်းဦးနှောက်အင်မတန်ချောင်တဲ့ကောင်ပါလားကွဟေ၊ မင်းကိုငါ ဘာမှာခဲ့သလဲ၊ ပစ္စည်း နှစ်ခုဝယ်ဖို့ ငါမှာခဲ့တယ်၊
အခု မင်းဝယ်လာတာ သွားပွတ်တံ တစ်ချောင်းထဲ၊ ဘယ်မှာလဲ သွားတိုက်ဆေး"

(စံပြမိန်းမ)

"ရုပ်ချောသဘောကောင်းရုံမကဘူး အင်မတန်လည်း ဥာဏ်ကောင်းတဲ့ အမျိုးသမီးကို မင်းလက်ထပ်လိုက်တယ်ဆို"
"မင်းကိုဘယ်သူပြောလဲ"
"မင်းယူလိုက်တဲ့ မိန်းမ"

(ခဏမေ့ထားလိုက်)

တရားသူကြီးက သက်သေကိုပြောသည်၊
"ခင်းဗျားဟာ နိူင်ငံတော်စာရင်းအင်းဌာနမှာ လုပ်တယ်ဆိုတာကို ခဏ မေ့ထား လိုက်ပြီး၊
ရုံးတော်ကို အမှန်အတိုင်း ထွက်ဆိုစေချင်တယ်"

(ဟန်ဆောင်မှု)

ပီတာကသူညီမလေးကိုပြောသည်။

"မသီတာ၊ တိတ်တိတ်လေးနေစမ်း၊ အိမ်ရှေ့မှာ ဧည့်သည်တွေရောက်နေတယ် ထင်တယ်"

"ကိုကို ဘယ်လိုလုပ်သိလဲ"

"မေမေ က ဖေ့ဖေ့ကို ''ဒါလင်' လို့ခေါ်လိုက်တာ ငါကြားရလို့"

(ပိုရနိုင်တယ်)

"ဘူတာရုံ သွားပြီး ငါ့ယောက္ခမကြီးကို ကြိုပေးရင် မင်းကို

ငွေ ၂၀၀ ပေးမယ်"

 "ရထားနဲ့ သူ မပါလာရင်ကော"

"အဲတာဆို ၄၀၀ ပေးမယ်"

(ကိုယ့်ကိစ္စကိုယ်ရှင်း)

တယ်လီဖုန်းသံ မြည်လာသည်၊ အိမ်ရှင်ယောက်ျားက

တယ်လီဖုန်းကို ကောက်ကိုင်လိုက်သည်။

"ဟဲလို ၊ ခင်းဗျားရဲ့ ယောက္မကြီး ကျွန်တော်မွေးထားတဲ့ မိကျောင်း ကန်ထဲ ကျသွားတယ်ဗျ"

"မိကျောင်း က ခင်ဗျားမွေးထားတဲ့ မိကျောင်းပဲ၊ ကျုပ်နဲ့ဘာဆိုင်လို့တုံး၊

ကိုယ့်မိကျောင်း ကိုယ်ကယ်ပေါ့ဗျ"

(ပုံပြင်)

အန်တီမြ သည် သမက်ဖြစ်သူ ကိုဘမောင်ကို နားမလည်ဟန်ဖြင့်မေးသည်။

"မောင်ဘမောင်၊ ငါ့မြေးကို မင်းညတိုင်း ပုံပြောပြီး သိပ်တယ်၊

မင်းပြောတဲ့ ပုံပြင်တိုင်း "သူတို့နှစ်ယောက် လက်ထပ်လိုက်ကြတယ် ပြီးတော့ အသက်ထက်ဆုံး

ပျော်ရွှင်စွာ နေထိုင်သွားကြတယ်၊ ဒါကလဲ ဇနီးဖြစ်သူဟာ

မိဘမဲ့ ဖြစ်လို့ပါကွယ်" နဲ့ချည်း အဆုံးသတ်နေတယ်၊

ဘာကြောင့်လဲဆိုတာ ငါ့ကိုရှင်းပြစမ်းပါ"

ဖတ်ခဲ့ဖူးသော (မောင်ကောင်းထိုက်)ဟာသပဒေသာ ကိုခံစားဖော်ပြပါသည်။
(ရယ်သောသူအသက်ရှည်ပြီးနုပျို၏)
စာချစ်သူ ကဗျာချစ်သူများအားလုံးရဲ့ jasmine

နှလုံးသားရဲ့ စေခိုင်းချက်များ

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး -  နှလုံးသားထဲက

ခံစာချက်တွေကို မထိန်းသိမ်းနိုင်လို့

မင်းကို ချစ်ခဲ့တာပါ ။

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး - ညရဲ့ လရိပ်အောက်မှာ

ကြယ်တွေကတဖွဲဖွဲနဲ့ မိုးနှင်းတို့ကလဲ

တသဲသဲ ကျနေတာမြင်တွေ့ရပြီး

ဝိုင်ချိုချိုကို သောက်ခဲ့မိတာပါ ။

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး - မင်းလေးရဲ့ အကြင်နာ 

နဲနဲအရောင်ပြောင်းတယ် ထင်ရလို့

ပုခုံးပေါ်မှာ မနိုင်မနင်းနဲ့ ထမ်းထားရတဲ့ 

သံယောဇဉ်တွေကို အနည်းငယ်

လျှော့ချလိုက်တာပါ ။

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး -  ခံစားရတာတွေများလာပြီး

နာကျည်းခြင်းတွေအဖြစ် ပြောင်းလဲလာတော့

ငါ့ရဲ့အမြင်အာရုဏ်လဲ ဝေေ၀ ၀ါးဝါး

အတွေးတွေလဲ ထွေပြားခဲ့ရလို့

မင်းကို မကြည့်မိတာပါ ။

မိုးကုန်ဖို့ အတွက်လဲ

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး - ရာသီတို့ရဲ့ပြောင်းလဲခြင်း

သဘာဝကြောင့် တစ်ဆောင်းသစ်ခဲ့ရတာပါ ။

ဘာပဲဖြစ်ဖြစ် မင်းကိုမမုန်းပဲ

သံယောဇဉ်တွေ တိုးပြီးရင်းတိုးနေတာလဲ

တစ်ဦးတစ်ယောက်က ဖြားယောင်းသွေးဆောင်ခဲ့တာ

မဟုတ်ပါဘူး - နှလုံးသားက ရိုးရှင်းစွာ

စေခိုင်းလို့ကို ငါ မင်းကိုချစ်နေရတာပါ ။

စာချစ်သူ ကဗျာချစ်သူများ အာလုံးရဲ့

ထာဝရ jasmine

ရင်ဘတ်ထဲက ကပိုကရို

ကျိုးနေတဲ့မြား ထမ်းထားရတာ

ပခုံးညောင်းပါတယ်

ဘုရားသခင် ဖန်ဆင်းထားပေးတဲ့

လူသားအားလုံးရင်ထဲက မေတ္တာတရား

မင်းရဲ့ရင်ဘတ်ထဲမှာကတော့

ဥပေက္ခာ

ငါ့မှာတော့ မုဒိတာတွေပွား

သူများဖိနပ်ကိုယူစီးပြီး

သူများဖောက်တဲ့လမ်း  လျှောက်တဲ့ထဲ

ငါမပါခဲ့ဘူး

သူများထားခဲ့တဲ့ ကြေမွနှလုံးသား

အသစ်အဖြစ်လဲ ငါမသုံးချင်ပါဘူး။

မကောင်းဆိုးဝါးတွေပေးတဲ့

စိတ်ကူးယဉ် အိမ်မက်ရှည်လဲ

မ မက်ချင်ပါဘူး

လိပ်ပြာတွေ ပန်းရနံ့ ရှူရင်းသေတယ်တဲ့

ပိုးဖလန်က မီးကိုတိုးပြီးဘ၀ကူးတာတဲ့......

ငါရဲ့ဘယ်ဖက်ရင်ဘတ်ထဲက နှလုံးသား

ဘာကြောင့် အသက်ရှူရပ်ခဲ့တာလဲ

ဘယ်သူကြောင့်လဲ....အဖြေမသိပေမယ့်

ရင်ဘတ်ကညှိနေတာ ခက်တယ်

ခုတော့ ငါ့ရဲ့အကြင်နာတရားတွေ

ကပိုကရို နဲ့ အရှင်လတ်လတ်ကြီး

သေဆုံးရတော့မှာပါလား။


စာချစ်သူ ကဗျာချစ်သူ များအားလုံးရဲ့
ထာဝရ jasmine

ပေါက်ကရ တောင်ကြီးအလွမ်း နဲ့ သူငယ်ချင်း ၂ယောက်

မိုးအကုန်နောက်ကျတယ်ဆိုရတော့မယ် အေးလဲအေးနေပါပြီ မိုးလဲမကုန် ဆောင်းတော့ရောက်ပြီ ပြောရမလိုပဲ အရမ်းကိုအေးနေပြီတဲ့ တစ်ဦးတစ်ယောက်ကပြောတာပါ ။

ဒါပေမဲ့လည်း စိတ်ထဲမှာစွဲနေတော့ ကိုယ်လဲအလိုလိုနေရင်း အေးလာသလိုခံစားလိုက်ရတာလေ ၊

မိုးကုန်ဆောင်ကူးလို့ပဲကြားခဲ့ဖူးတာ ၊ မိုးလဲမကုန် ဆောင်းတော့ကူးနေပါရောလား ၊ ရင်ထဲမှာဘာကြောင့် မအေး ရသလဲဆိုတာ ဘယ်သူ့ကိုများ သွားမေးရမလဲနော် တောင်ကြီး ကထိန်လဲတော်တော်စည်ကားမှာပဲ

ပြီးရင်တန်ဆောင်တိုင်ပွဲတော်လာတော့မယ် သူငယ်ချင်းတွေနဲ့ ကျောင်းသွား၊ ကျူရှင်သွား၊ စာတွေလဲအရမ်း

ကျက်နေရပြီ ဒီအချိန်ပေါ့ ချယ်ရီတွေ အပင်တိုင်း လိုလိုဖူးနေပြီ အဖူးလေးတွေကတော့ခပ်နုနုလေးတွေပေါ့၊

ရှေ့လဆိုရင်တော့ အပြိုင်ပွင့်ရတော့မှာလေ ကျွန်မတို့တို့အိမ်ရှေ့တံခါးကို မနက်စောစောဖွင့်လိုက်ရင်

မျက်နှာကို အေးစိမ့်ပြီး တစ်ကိုယ်လုံးချမ်းအေးတုန်သွား ရတဲ့အချိန်ကိုဝင်လာနေပြီ နှင်းငွေ့ နှင်းရည်တို့လာပက်လို့ပါ ပင်စိမ်းသီးတို့လဲ

စားလို့အလွန်ကောင်းတဲ့အချိန်လေးပါပဲလွမ်းလိုက်တာ၊ ဘယ်တော့မှ အဲဒီအလွမ်းတွေပြေမလဲ?

ပြေရောပြေဦးမှာလား ထပ်ပြီးအချိန်ကာလ ဘယ်လောက်ထိလွမ်းရဦးမလဲ

ဖြေပေးနိုင်တဲ့သူ ဘယ်သူများရှိလဲ? ဟိုကိုလွမ်းရ ဒီကို လွမ်းရနဲ့ အလွမ်းတွေကလူကိုပိနေရင်သေတတ်

တယ်ဆိုရင် ကျွန်မအရင်ဆုံးသေရမှာပဲ တော်သေးတာပေါ့အလွမ်းပိပြီးသေတဲ့သူတွေမရှိတာပဲ ကျေးဇူးတင်ရမလိုဖြစ်နေပြီ ။ 

လူကကြည့်လိုက်ရင်ပေါ့ပေါ့ပါးပါးလေးပါပဲ စိတ်တွေကလေးလံနေတာ ကိုယ့်ကိုတိုင်သိနေခဲ့တာ ကြာပြီ ၊

ခုချိန်တစ်ယောက်ယောက်ကလာပြီးမေးပါပြီတဲ့ ဘယ်သူ့ကိုဒီလောက်လွမ်းနေတာလဲ

ခက်ပါပြီရှင် အဖြေမှ မရှိတာကို အေးလေ ဘယ်သူ့ကိုလွမ်းရမှာလဲ ကျွန်မရဲ့မြို့လေးကိုပေါ့

မြို့ကိုလွမ်းတာ ဒီလောက်တောင်လားဟယ်လို့တော့မပြောပါနဲ့

ဒီထက်ကိုပိုပြီးလွမ်းနေတာပါ ၊ လွမ်းနေရတာကိုလဲနောင်တ ခဏခဏမရပါဘူး

အဲဒီ အလွမ်းကိုကြိုက်တယ် မောင့်ကိုလဲချစ်တယ် (ဘာမှမဆိုင်ဘူးလို့မပြောပါနဲ့)

နဲနဲတော့ပေးဆိုင်လိုက်ပါနော် မောင်ဘေးမှာရှိတော့တော်သေးတာပေါ့

တစ်ခုခုဆိုရင် မောင်ရေ---ဘာဖြစ်လို့ ဘယ်သူ့ကိုလွမ်းလို့---ဘာလေးစားချင်လို့---

မောင်လဲ အဲဒီ "လို့" ပေါင်းများစွာနဲ့ ဒုက္ခတွေတစ်ထမ်းကြီးဖြစ်ရရောပေါ့ (တူတူခံစားတာပါ)

တောင်ကြီးက ငယ်သူငယ်ချင်းလေးတစ်ယောက်ရှိခဲ့ဖူးတယ် ကျွန်မလိုပဲ ညီအကိုမောင်နှမ သူ့မှာလဲ မရှိဘူး

သူကတစ်ဦးတည်းသောသားလေ ၂၀၀၃ -၂၀၀၄ ကျွန်မတောင်ကြီးပြန်တဲ့အချိန်ထိတော့

သူအိမ်ထောင်မကျသေးပါဘူး ခုလဲကျသံတော့မကြားမိဘူး သူ့အတွက်ကဗျာလေးစပ်ခဲ့ဖူးတယ်

နောက်သူငယ်ချင်းတစ်ယောက်ကတော့ ကျွန်မတို့အိမ်ဘေးချင်းကပ်က ပူစူးပါပဲ(ဂရေဟမ်)

သူနဲ့ကျတော့ ပိုပြီးခင်ပေမယ့် ကျောင်းသွားကျောင်းပြန်မတူပါဘူး တက်တဲ့ကျောင်းမတူလို့ပါ

ညဖက်တွေ သီချင်းတွေဆိုကြ ဂီတာတွေတီးကြ အိမ်ရှေ့မှာ မီးဖိုကြီးလုပ်ပြီး စုထိုင်ကြတဲ့အချိန်တွေတော့

သူကပါ ပါတယ် ၂၀၀၃- ၂၀၀၄ မှာပူစူးလာတွေ့ပါသေးတယ်ကလေး၂ယောက်ရနေပါပြီ

သူ့အမျိုးသမီးကလဲ ချစ်စရာကောင်းပါတယ်၊ အရာအားလုံးကိုလွမ်းနေရတာပါပဲ

မြစိမ်းတောင်ပေါ်မကြာခဏရောက်ဖြစ်ကြတယ် အိမ်ကနေ၁၅-၂၀မိနစ်လောက်ဆိုရင်မြစိမ်းတောင်ကို ရောက်တယ်လေ ပင်စိမ်းသီးတွေသွားကောက်ကြတာပေါ့

သိမ်းထားလို့လဲရတယ် နှင်းခံပြီး ဆားလဲစိမ်တယ် စားလို့အရမ်းကောင်းတာပဲ

ဒီလိုပဲ ညဖက်ဆိုရင်သူငယ်ချင်းတွေစုပြီး အစားလဲလုပ်စားတယ်သီချင်းတွေဆိုကြပျော်စရာကောင်းခဲ့တဲ့

ညရဲ့လရိပ်အောက်ကနေပြီး ဒီလိုကြေကြေကွဲကွဲနဲ့ လွမ်းရမှာမသိခဲ့ပါဘူး ချစ်သူရီးစားကိုမှအဲလိုလွမ်း

နေရတာ မဟုတ်ပါဘူး မိဘ-သူငယ်ချင်း-မိတ်ဆွေ ခင်ရာမင်ရာ လွမ်းတတ်တဲ့သူကတော့

အရာ အားလုံးကိုခံစားပြီး လွမ်းလို့ရပါတယ် လွမ်းတတ်အောင်လဲ ဘယ်သူကဦးဆုံးသင်ပေးလိုက်မှန်း

မသိပါဘူး အဲဒီလိုပဲ လွမ်းတတ်သွားတာပါ သူငယ်ချင်းသာယာအတွေက်ရေးခဲ့ဖူးတဲ့ကဗျာလေးကို

ပြန်လည်ခံစားလိုက်ပါဦးနော်

(သူငယ်ချင်းသာယာသို့)

ငယ်ငယ်တုန်းက သူငယ်ချင်းဖြူစင်စွာနဲ့

ချစ်ခဲ့ဖူးပါတယ်-

အားတဲ့ အချိန်လျှောက်လည်ရင်း  

ဟိုနားဒီနားရောက်ခဲ့ဖူးပါတယ်-
တောင်ကြီးဟိုတယ်...ရပ်တော်မူ  

လွမ်းစေတီ လဲ သွားခဲ့တာပဲ  

အိမ်ကိုအလာ..မြို့ဦးမှာ  

တိုက် ၆ လုံးလဲရောက်ပြန်ကာ  

သူနေထိုင်ရာ ကန်အောက်ရပ်  

ဈေးအနားမှာပါဗျ -

ချယ်ရီလမ်းက သူငယ်ချင်းရေ  

ငယ်ဘ၀ကိုမေ့ပြီထင်  

မေ့ပါနဲ့နော်သာယာလေး  

ငယ်သူငယ်ချင်း ဖြူစင်အေး -

တို့များတစ်ခါပြန်တွေ့တာ  

မှတ်မိသေးလားကွာ  

နင်ရယ်ငါရယ်လျှောက်ကာသွား

မြို့တောင်ကြီးရဲ့...အနှံ့ပါဗျ ။ 

jasmine

 

မလွမ်းမိမှာ စိုးလို့ လွမ်းနေတာ

ရင်ဘတ် ဟောင်းလောင်းနဲ့

သောင်းပြောင်းပြောတယ်

မထင်ပါနဲ့

ရင်ကွဲပက်လက် နဲ့ အနေခက်နေတဲ့

ငါ့ နှလုံးသားတွေ

ဇကာပေါက်ဖြစ်ပြီး

မင်း အပြုံး

အောက်ကိုရောက်နေတော့

ဦးနှောက်က အသိဥာဏ် တွေကို 
ထိန်းသိမ်းခံရတဲ့ လူတစ်ယောက်လို

အရာရာ လွှဲချော်ခဲ့ရပြီ ။

နှလုံးသားမရှိတဲ့ လူတစ်ယောက်က

ဘ၀ရဲ့ အဖော်မွန်ဆိုတာ

သိဖို့မလိုအပ်ပါဘူး

ဘာကြောင့်လဲ ဆိုတော့

မင်းဟာ အပြုံးတွေနဲ့မတန်လို့ပေါ့

ဘ၀ရဲ့ ပျော်ရွှင်မှုတွေလဲ

မင်းကြောင့် ဆိပ်သုန်းခဲ့ရပြီ

မုန်းတော့ မမုန်းမိပါဘူး

အချစ်တွေ မလန်းဆန်းတော့

သံယောဇဉ်ပန်း နွမ်းခဲ့ရပြီ

ချစ်ခြင်းရဲ့ တဖက်ကမ်းမှာ

ဘာမှ မရှိဘူးလို့ထင်နေခဲ့တာ

ခုတော့ အလွမ်းတွေက 

တောင်လိုပုံ။

ဘ၀မှာ ဘာမှမရှိ

ကြွားစရာ ဂုဏ်ဆိုတာ မသိ

ထားစရာ သိမ်းစရာတွေက နတ္တိ

ကိုယ့်ကိုကိုယ် သနားမိတဲ့ငါ

မျက်ရည်ကို ၀ိုင်ချိုချိုအမှတ်နဲ့

သောက်သုံးဖို့

မင်းရဲ့ ဥပေက္ခာတွေ အမြည်းလုပ်လဲ

အသည်းတွေ ကွဲကြေပျက်တာ

ပြန်ဆက်မရပါ

အလွမ်းတွေ ကြာညောင်းခဲ့လဲ

မဟောင်း မနွမ်းပဲ လန်းနေဆဲ။

ချိုမြိန်တယ်ဆိုတဲ့

အချစ်က ဘ၀တစ်ခုလုံးကို

မြိုလိုက်တာလား

အသဲတွေကို ဇယားခင်းပြီး

ခွဲဝေ မသုံးချင်ဘူး

မင်းကိုလဲ ရင်ထဲကနေ

တစ်သက်လုံး မမုန်းချင်ပေမဲ့

ပတ်ဝန်းကျင်ရဲ့ အနှောင့်အသွားကလဲ

ငါ့ရဲ့ဂုဏ်သိက္ခာကို ခဏခဏ 

ခလုပ်တိုက်နေတာ

မပြုမပြင်ပဲ ထားတဲ့လမ်းဟောင်းပေါ်ကို

မာနတွေက

သံလမ်းဆွေးပေါ် တွဲချော်သလိုဖြစ်ရပြီလေ။

ရင်ဘတ်မှာ ဒဏ်ရာ

ကျောပြင်ကတော့ အဖာတစ်ရာ

ခန္ဓာကိုယ် တစ်ခုလုံး

ရစရာမရှိ ဆုံးရှုံးမှုတွေအတိနဲ့

နေမထိ ထိုင်မသာ

သာသာ ယာယာ မရှိ

သောကအပူလဲ ချစ်ရသူမသိပါဘူး

သိလဲမသိစေချင်ဘူး

ချစ်သူရေ လို့သာပြောလိုက်ချင်တာ ။ 

စာချစ်သူ ကဗျာချစ်သူများအားလုံးရဲ့

jasmine

ချစ်သူ

ချစ်သူဆီက ဘာတွေရယူခဲ့သလဲ

ချစ်သူထံကို
ဘာတွေပေးထားခဲ့သလဲ

မင်းလေးစဉ်းစားခဲ့ဖူးပါသလား?

မေးပါရစေတော့...

ကွဲအက်ပြီး တေ့ဆက်ဆက်ထားတဲ့

နှလုံးသားဆီကို

အပြုံးတုတွေသုံးပြီး

မင်းအရောက်လာနိုင်ပါသလား?

အကြိမ်ပေါင်းများစွာတက်ခဲ့ရတဲ့

ဆေးရုံ.....ဒီနှလုံးသား

အကောင်းတိုင်းတော့ 

မဖြစ်နိုင်ပါဘူး

အပြစ်မမြင်တဲ့ အချစ်တွေကပဲ

ခြေစုံပြစ်ပြီး ယုံမိတာပါ

ကြေကွဲခြင်းတွေတော့မယူချင်ပါဘူးချစ်သူရေ

ဒါပေမဲ့လဲ

မင်းလေးပေးတဲ့

ဥပေက္ခာတွေ - သမုဒ္ဒရာ မက

ပြန်ယူပါလား - ချစ်သူရယ်

လမ်းကြောင်း တွေကကျဉ်း

စိတ်ကူးတွေက သေးမျှင်

ခြေလှမ်းတွေ ယိုင်နဲ့နဲ့

မနက်ဖြန် - ဘာဖြစ်မှာလဲ

အဖြေမသိပေမဲ့

ရင်ထဲမှာတော့ဘာမှမရှိတော့သလို

ခံစားနေရပါလားကွယ် ။ 

စာချစ်သူ ကဗျာချစ်သူ အားလုံးရဲ့
ရင်ထဲက ထာဝရ jasmine

ဘာပဲဖြစ်ဖြစ် ချစ်သူကို ကျေးဇူးတင်ပါတယ်

နောက်ကျသွားတဲ့ နောင်တ
ဘာမှ လုပ်လို့မရ
အခုမှ ဒုက္ခ
မင်းကိုချစ်မိတဲ့ ရလဒ်
အပြတ်အသတ်ရှုံးသွားရတာ ငါ့ဘ၀။


မင်းမရှိတဲ့ အရပ်
ကောင်းကင်ကြီး ခေါင်းပေါ် ပြိုကျသလို
အပြုံးတွေက အမုန်းတွေဖြစ်
အသည်းတွေကွဲအက်တဲ့ငါက
ဒီ အချစ်စစ်ပွဲ 
ဘယ်လို နွဲမလဲ။


ယုယမှုတွေ ပြပြပြီး
အကြင်နာကို အရယူခဲ့သူပဲ
အားလုံးဟာလဲ သေချာဆန်းစစ်တော့
အတု အတုတွေပါပဲ
အသိတွေ နောက်ကျလို့
ထိရှခံရတဲ့ နှလုံးသားတစုံက
အမိအရ ဆုပ်ကိုင်လိုက်တာ
လက်ထဲမှာ ဗလာသက်သက်။


အော်......ခက်တော့နေပြီ
ကမ္ဘာကြီး  မီးလောင်
သားကောင် ကမရှိလို့
ရှိနေသေးတဲ့ ငါ့နှလုံးသား
လမ်းခင်းထားမယ်
မင်းလေး လျှောက်ပြီး
လိုရာကိုသွား ငါမတားတော့ဘူး
ဘ၀မှာ တစ်ကြမ်တစ်ခါ
ချစ်ခဲ့ဖူးလို့ မင်းကို
ကျေးဇူးတင်နေမှာပါ။

ကဗျာချစ်သူ စာချစ်သူတို့ရဲ့

ရင်ထဲက ထာဝရ jasmine ဖြစ်ချင်သူပါ။

ကဗျာတို (၄)

ဘာနဲ့မှ သူ့ကိုဖြတ်မရ

ဘယ်လိုမှလဲ မမြင်နိုင်

ကိုင်တွယ်လို့လဲမရ

ဒါပေမယ့်

ခံစားလို့တော့ ရပါရဲ့

အဲတာ

သံယောဇဉ်ပါတဲ့ ။

စာချစ်သူ ကဗျာချစ်သူအားလုံးရဲ့

ထာဝရ jasmine

ဟိုတစ်စ - ဒီတစ်စ (အထီးကျန်ခြင်းနောက်ကွယ်)

ငါကိုယ်တိုင် သိတာ 

ငါ့ အလွမ်း

ငါကိုယ်တိုင် ရှိတာ

ငါ့ မှာတမ်း

ငါကိုယ်တိုင် ထိတာ

ငါ့ နှလုံးသား

ခုတော့ဖြစ် 

အစိတ်စိတ် အမွှာမွှာ

အတိတ်က ဖြစ်ရပ်ဆန်း

ပြန်တမ်းတကာနေတော့

အဖြေတွေက အဖြူဖျော့ဖျော့ ။

ရှေ့တိုးတော့ ကျား ဆိုပေမယ့်

နောက်ဆုတ်တော့ မှားပြီထင်

အရာအားလုံးသိခဲ့ပေမယ့်

အသိနောက်ကျတာလား

ငါ့ပြန်ရလိုက်တာ အားလုံး မင်းရဲ့

ဥပေက္ခာ အမုန်း

အဆုံးမတော့ ရင်ထဲက ခံစားမှုတွေ

ထိန်းသိမ်းမရအောင်

ဆူညံ ပွက်လောရိုက်

တိတ်တိတ်လေးထွက်သွားရင်ကောင်းမယ်ထင် ။

အချစ်ဆိုတာ  ဧဒင်ဥယျာဉ်ထဲက 

စခဲ့တာလား

ဘာလဲ  - အချစ်ဆိုတာ 

ကြေကွဲရာများစုဝေးရာအရပ်လား

ရောမပြည်ကြီး ဘာကြောင့်ပျက်ရတာလဲ

ဘာလဲ အချစ်ဆိုတာ

ထီနန်းတွေဘာကြောင့်စွန့်ကြတာလဲ

သူတို့ - သူတို့ 
အမှန်တစ်ကယ်ချစ်ခဲ့ကြတာလား

ဒါဆို မင်းနဲ့တော့ 

အရှေ့နဲ့ အနောက် ။

လျှာအောက်က သာမိုမီတာကို

ဝါးစားဖို့ကြိုးစားခဲ့တာ

ငါ့ရဲ့ ရူးသွပ်ခြင်းလို့ ထင်နေတဲ့လူတစ်ချို့

ခုတော့ဖြစ်ကွယ် ရင်ထဲမှာ

ကြေကွဲခြင်းနဲ့ 

အသစ် ပြန်စလို့ မရတဲ့

ဒါဏ်ရာအပြည့်နဲ့

နှလုံးသားတစ်စုံ နောင်တတွေနဲ့

ပြည့်နက်နေတဲ့ - သံယောဇဉ်တွေ

အများကြီး မဟုတ်ပေမယ့်လည်း

တစ်ခါတစ်လေတော့ 

ရင်ဘတ်ကြီးနဲ့ကိုခံစားလွမ်းမိပါရဲ့။

အားလုံးရဲ့ ထာဝရ ဖြူစင်တဲ့ jasmine

ဖြစ်ချင်တာပါ

ကျေးဇူးတင်ပါတယ်ရှင်

ကျွန်မ ရဲ့ နှလုံးသား အရှင်သခင်

ရင်ဘတ်ထဲ 

အမြဲလွမ်းဆွတ်နေရသူ

အားပါးတရ

နမ်းရှိုက်ခွင့် ရခဲ့ရင်လဲ

ဖွဖွလေးသာ နမ်းပါရစေ

ချစ်ရသူနဖူး

အနမ်းဦးနဲ့ 

နိုးပါရစေ

သူ့ အပြုံး နှလုံးသားကြွေလဲ

မယိုင်မလှဲ ခိုင်မြဲလှတဲ့

ဒီ သံယောဇဉ်တွေနဲ့

ကမ္ဘာတစ်သောင်းထိ

ထပ်လောင်းကာ

ပေါင်းပါရစေတော့ ။

၂၄-၁၀-၂၀၁၁တွင်( ၆) နှစ်ပြည့် အမှတ်တရအတွက်နဲ့ ဒီကဗျာလေးကိုရေးသားခဲ့တာပါ

လွန်ခဲ့တဲ့ ၁၀ ရက်မတိုင်ခင်ကပဲဘာရေးရ မလဲလို့စဉ်းစားမိနေပြီး

ရင်ဘတ်ထဲက ထွက်လာတဲ့ အကြင်နာသံဇဉ်တွေပါ။

(ပါရမီဖြည့်ဖက်)

ဆံဖြူသွားကျိုး

မငြိုးတဲ့ အချစ်နဲ့

အတိုးရော အရင်းပါပေါင်းပြီး

တစ်မိုးအောက်က

တစ်ယောက်ချစ်ရသူ။

မောင့်အတွက် ချစ်သက်တမ်း (၆နှစ်ပြည့်) အမှတ်တရ

ပန်းချစ်သူ အတွက်

မိဂျက်အိမ်က ပန်းများမဟုတ်ပါ ၊

ဤပန်းလေးများကိုကြည့်ခြင်းအားဖြင့်

စိတ်နှလုံးရွှင်လန်းစေပါတယ်ရှင်

mail မှကူးယူဖော်ပြပါသည်

မေမေ့အတွက် အလွမ်းများ

ဇာတိမြို့တောင်ပေါ်မြေ
ပန်းရနံ့ သင်းပျံ့ကာနေ
ဒီဇင်ဘာ ချယ်ရီဖူး
ငါလဲ ရူးခဲ့ရပြီ

ထူးမလားရယ်လို့

ရေခြားမြေခြား

ခရီးမနားပဲ ရောက်ခဲ့ပေါ့

ပြည်ခြားတဲ့ နေရာ
ရေလဲ မကြည် မျက်လဲ မနု
ဘာကိုလွမ်း တမ်းတကာနေ
မှန်းဆမရတဲ့ ဆုံးရှုံးမှုတွေ
အမေနဲ့ဝေးလို့ သောကဖြာဝေ

မမြင်ရတဲ့အိမ်အပြန်လမ်းတဲ့ 

လောကမှာလေ
အလွမ်းတွေကို တွန်းလှန်ဖို့ ကျိုးစားရင်း

လက်တွေ့ဘ၀ထဲ
အိမ်ပြန်ဖို့အရေး မှုန်ဝါးကာသွားပြီလား

မှန်းဆမရတဲ့ 

ကိုယ့်အနာဂတ်အတွက်
မတ်မတ်ရပ်ဖို့ အမြဲကြိုးစားနေပါတယ်
သမီးမိုက် တစ်ယောက်ရဲ့ အပြန်လမ်း
မေမေ အတွက်

ဘ၀အမောတွေပြေနိုင်ပါ့မလား

စဉ်းစားရင်းစိုးရိမ်မိတယ် မေမေရယ်။

အားလုံးရဲ့ jasmine

စဉ်းစားပြီးမှရယ်ပါ (ဟာသချစ်သူများအတွက်)

အိမ်မှာ အိပ်ပါ

ပင်လယ်ကမ်းခြေ အနားယူစခန်းသို့ တွက်ခွါမည့် ဇနီးသည် ကယောင်္ကျားကိုမှာသည်။
"ရှင်အိမ်မှာ အိပ်နော်"
နောက်နေ့တွင်ောယင်္ကျားက မိန်းမထံကြေးနန်းစာပို့သည်။
"ထမင်းစားပန်းကန် ဘယ်မှာလဲ"
မိန်းမထံမှကြေးနန်းစာ ချကိချင်းပြန်ရောက်လာသည်။
"အိမ်မှာ အိပ်"
အဖြေကို နားမလည်နိုင်သဖြင့် ဇနီးသည် ပြန်လာသည်အထိစောင့်ရသည်။
"မိန်းမ ၊ မင်း ပေးတဲ့အဖြေ ငါအဓိပါယ် ဖော်လို့မရဘူးကွ
 မိန်းမက ယောင်္ကျားကို အိပ်ခန်းထဲ ဆွဲခေါ်သွားပြီး အိပ်ရာဖုံးကို ဆွဲမလိုက်သည်။
မီးဖိုချောင်သုံး ပန်းကန်ခွက်ယောက်များ အားလုံးကိုတွေ့ရသည်။

ဘာအတွက်မေးတာလဲ

လူနာဆောင်ထဲသို့ ၀တ်ရုံအဖြူဝတ်ထားသော လူတစ်ယောက်ဝင်လာသည်၊
လှဲနေသေညလူနာကိုကြည့်ပြီး တစ်ယောက်အနားသို့ကပ်လာခါ မေးသည်။
" ခင်ဗျားရဲ့ အရပ်အမြင့် ဘယ်လောက်ရှိသလဲဗျ"
" အရပ်အမြင့်ကဘာလုပ်ဖို့လဲ၊ ကျွန်တော်ကို ကယ်ပါ ဒေါက်တာ ၊ ကျွန်တော် တစ်ကိုယ်လုံး နေရာအနှံ့
ကိုက်ခဲနေတယ်၊ ဘယ်လိုမှ ခံနိုင်ရည် မရှိတော့ပါဘူးခင်ဗျား"
"ကျွန်တော်က ဆရာဝန်မဟုတ်ဘူး လက်သမားဗျ"

ရှေးဟောင်းနာရီကိုး

ဆိုဖာပေါ်တွင် ယောက္ခမထိုင်နေသည်၊ ၄င်းခေါင်းပေါ် တည့်တည့်တွင် ရှေးဟောင်းတိုင်ကပ်နာရီ ကြီးကိုချိတ်ထားသည်၊
ထိုင်နေရာ မှ ရုတ်တရက် ယောက္ခမကြီးထသွားသည်၊ စက္ကန့်ပိုင်းအတွင်း တိုင်ကပ် နာရီ ပြုတ်ကျလာသည်၊
သမက်ဖြစ်သူက ကြိတ်မနိုင်ခဲမရသံ ဖြင့်ပြောသည်။
"တော်တော် အသုံးမကျတဲ့ နာရီ ၊ အမြဲတမ်း နောက်ကျတယ်"


                                                        ( မောင်ကောင်းထိုက်၏ဟာသပဒေသာ မှ)
                                                       (ရယ်သောသူသည်အသက်ရှည်ပြီး နုပျို၏ )

အားလုံးရဲ့  jasmine cho

လုံလောက်ပါပြီ

လွမ်းရမှာ ကြောက်လို့

အချစ်ဆိုတာ ဝေးဝေးရှောင်နေတာ

ပန်းနုရောင်ချယ်ရီ မခူးရဲဘူး

ဒီလိုရူးသွပ်ခဲ့ဖူးတယ်

ကြွေနေတဲ့ စိန်ပန်း

တက်မနင်းရဲဘူး

ပန်းလေးနာကျင်မှာစိုးလို့ပါ

ဟစ်ဟေ့တွေ ဘယ်လောက်ပဲ ပေါ်လာလာ

ချစ်လူမိုက်က ငါ့နှလုံးသားထဲ

ရှင်သန်နေဆဲ

ချယ်ရီကိုသာပန်ပါကွယ်

ရင်ထဲမှာ နေရာအမှန်ယူနေတာလေ။

နွေရာသီကို မုန်းတာ အပြစ်လား

သစ်ရွက်တွေလဲခြောက်

ပန်းတွေလဲပျောက်

တောင်လေ ကကြမ်း

ရင်မှာလဲလွမ်းရ

တားမရ ထားမရ

တလွမ်းပေါ် တလွမ်းဆင့်

ဆွေးသင့်တဲ့ ဒီရာသီ

အလွမ်းကိုမလိုချင်လို့

ဒီနွေကိုမုန်းတာမဟုတ်ပါဘူး

နွေနွေ မိုးမိုး ဆောင်းဆောင်း

မပြောင်းလဲဘူး

အလွမ်းကတော့ အလွမ်းပါပဲ။

မင်ရဲ့ငိုသံတွေ ငါမကြားလိုက်ဘူး

ငါ့မျက်ရည်တွေကလဲ

တစ်ယောက်ထဲ သုတ်လို့မနိုင် 

ဖြစ်နေလို့ပါ

တောင်းပန်ပါရစေကွယ်

ခံစားချက်တွေကို

လာ လာပြီး မစွက်ဖက်ပါနဲ့လို့

ကိုယ့်အထာနဲ့ ကိုယ်နေတာ

လောကရဲ့ စည်းဇိမ် တစ်မျိုးပါပဲ။

ဆုံးရှုံးခဲ့တာ တစ်ယောက်ထဲ မဟုတ်ဘူးနော်

နှစ်ဦး နှစ်ဖက် ညီတူမျှတူလဲ မဟုတ်ပြန်ဘူး

ခုချိန်မှာတော့ ဘယ်သူမှန်

ဘယ်သူမှား အဖြေမညှိနဲ့

နှောင်းသွားပြီ ပြောင်းသွားတဲ့

ရာသီတွေအပါအ၀င်။

ငါ့ရဲ့ဘ၀ အတွက်

အများကြီးလဲ မလိုချင်ဘူး

အချစ် စစ်စစ်နဲ့ ချစ်ရသူရယ်

ကိုယ်ကိုမုန်းနေတဲ့ ရန်သူစစ်စစ်ရယ်

ဒါပဲလိုတယ်  ချစ်သူရယ်

ဘ၀အတွက်လဲ လုံလောက်တယ်လို့ ထင်ပါတယ်။

စာချစ်သူ ကဗျာချစ်သူ

မိတ်ဆွေ သူငယ်ချင်းများအားလုံးကို

ချစ်ခင်ရပါတဲ့ jasmine