ရှုံးပွဲ

ထောင်ချောက်တော့ ထောင်ချောက်ပါပဲ

သိသိကြီးတိုးလို့ 

သံသယမျက်လုံးများအားလုံး

အပြစ်တွေပဲပေါ့

လျှော်လှဲ ရောထိုင်မဟုတ်ခဲ့ပါဘူး

ရောထိုင်ချင်လို့

လျှော်လှဲလိုက်ရတာလေ

တကယ်ပါ 

ဒီယုန်ကိုလဲ မမြင်လိုက်ဘူး

ခြုံတော့ထွင်ထားမိတယ်

ဟုတ်ကဲ့

မာယာတွေ တသိန်းနဲ့

ဖြူစင်မှုတွေ ခိုင်းနွားလုပ်

ချစ်ခြင်းရဲ့ ရိုးစင်းတဲ့

အငွေ့ အသက်လေးတွေ

မရှုရှိုက်ရတာကြာနေတဲ့ ဘ၀

မိုက်ပြီးရင်းမိုက်ခဲ့လို့

အနာဂတ်လမ်း

မဲမဲမှောင်

၃၇ မင်းလဲ မကယ်နိုင်

သိသိကြီး လုပ်ရက်ပါပေ့ကွယ်

နိမ့်ချည် မြင့်ချည် မဟုတ်တော့ဘူး

နိမ့်တခါ ကျတလှည့် ဖြစ်နေပြီ

ယိုင်နဲ့နဲ့ ဘ၀ကို

ကံမခိုင်ဘူးရယ်လို့

ပြုံးပြုံးကြီးပြောနေပြီ

သံယောဇဉ်နဲ့ ဆ တူ

ထပ်တူညီတဲ့ အကြင်နာတွေ

ပခုံးမှာ ထမ်းထားရတဲ့

ကျွန်တော်

ဘာကောင်လဲ

ကိုယ့်ကိုကိုယ် ပြန်မေးမိတယ်

ဟောင်းလောင်းပေါက်သိက္ခာတွေကလဲ

သောင်းပြောင်းလို့လဲ ချစ်တတ်ပါရဲ့

ကျွန်တော့်အကြောင်း

မေးမြန်းသူ မရှိ

ဤပွဲ ကို အရှုံးဟုခေါ်၏ ။

(လွန်ခဲ့သောနှစ် အနည်းငယ် ပတ်ဝန်းကျင်မှ အဖြစ်အပျက်လေးတစ်ခု အခြေခံ ရေးသားထားခြင်းပါ)

jasmine

စွန့်

ရိုးတိုး ရိတ်တိတ်လေးမျှ 

ခြေသံမပေးပဲ

တိုးတိုး တိတ်တိတ်လေး

သူ ခွဲခွါခဲ့တယ်

အမှတ်တရနဲ့  

သတိရစရာတွေ အပြည့်

ရှောင်တိမ်းခွင့်မရတဲ့

တမ်းတခြင်းတွေလဲ  အမောက်

ညတည ရဲ့ လွမ်းခြင်းတွေ

တေးတပုဒ်လုပ်ပြီးရေးလိုက်ချင်ပါရဲ့

သို့ပေမယ့် ညလဲမပါခဲ့ လလဲ မသာခဲ့ဘူးကွယ်

လွမ်းခြင်းဆိုတဲ့ အထ္ထုပတ္တိ

ဘာတွေနဲ့ ကာရံလုပ်ရမလဲ

တွေးရင်း  တွေးရင်းနဲ့

အနားသတ်ပြီထင်ခဲ့တဲ့ 

သံယောဇဉ်တွေ ရောင်စားခံလိုက်ရတယ်

ခေါက်ရိုးကျိုးနေတဲ့

အမှတ်တရတွေ သတိတရရှိနေရင်းနဲ့

အသဲကွဲနေတဲ့ ရင်ဘတ်တွေ

ခဏဌားပါလား ၀င်ကြည့်ပါရစေ

ကျွန်တော်အတွက် စကားလုံးတွေ

ရှား ရှား လာလို့ပါ 

ဒီလိုနဲ့ သတိရခြင်းတွေလဲ ပါး ပါး လို့လာတယ်

ကျန်းမာရေးအရ ဆိုရင်တော့

အဲဒီ အခြေအနေ ဟာ ကောင်းလာပါပြီတဲ့ 

လျှောက်သူများတဲ့ လမ်းဟောင်း

နေခဲ့တော့ကွယ်

ကျွန်တော် လမ်းသစ်ဖောက်တော့မယ် ။

(ရေးထားတာကြာခဲ့ပါပြီ ခုမှတင်ဖြစ်တာပါရှင်)

jasmine

လှေကြုံ လိုက်သူများ

ပတ်ကြားအက်နေတဲ့

သိက္ခာတွေ အင်္ဂတေပြန်ကိုင်ပြီး

အနာဂတ်အတွက်ခြေလှမ်းတွေပြင်

နောက်က မကောင်းဆိုးဝါးတွေ

တကောက်ကောက်လိုက်ပါနေဆဲ

အတ္တတွေသာ ကြီးစိုးတဲ့

ပတ်ဝန်းကျင်မှာ

ဘိုနေမြဲ ကျားနေမြဲ

ဒီမြေကပဲ ကျိန်စာသင့်တာလား

ဘ၀တွေကပဲ ကျိန်စာသင့်နေတာလား

အဖြေမရှိဖြစ်နေတယ်

မအိပ်မနေ ကျိုးစားခဲ့ရတဲ့

ရလဒ်

သုညတွေ တပွေ့တပိုက်ကြီးပေါ့

ဘ၀ရဲ့ ရပ်တည်မှုတွေ

သရုပ်မမှန်ခဲ့ဘူး

အပေါ်ယံမှာတော့

အမြှပ်တွေ တဖွေးဖွေး လှိုင်ထနေလေရဲ့

ခိုးယူလို့ရတဲ့ သိက္ခာတွေ

ဘာမှ တိုးလာမှာ မဟုတ်ဘူး

ခေတ်ကြီးကိုက

မေတ္တာတွေပျက်သုဉ်းပြီး

ဘာမှ မရှိတဲ့ 

အယောင်ဆောင်တွေ

ခပ်ပြုံးပြုံးလုပ်နိုင်တဲ့ခေတ်ပဲလေ

သူငယ်ချင်းရေ

ဒီစနစ်နဲ့ မင်း

ဆန့်ကျင်ဖက်ဖြစ်ပါစေလို့ ။

ရေးထားတာကြာနေတဲ့ကဗျာတွေကများနေပါတယ် ခုလိုအသစ်တွေမရေးဖြစ်တဲ့အချိန်လေးမှာ အဟောင်းတွေ ရှာပြီးတင်ဖြစ်နေမှာပါ မွေးနေ့ဆုတောင်း-ငွေရတု-အမှတ်တရ-လွင်ပြင်လေးအတွက်(သီးသန့်)ရေးတဲ့

ကဗျာသာလျှင် ခုရက်အတွင်းရေးသောကဗျာဖြစ်ပါတယ်ရှင် အဟောင်းဆိုပေမယ့် ဆိုဒ်မှာမတင်ရသေးတော့

အသစ်လို့ပဲ သဘောထားပေးပါလို့ 

ကဗျာလာဖတ်သူအားလုံးကို ကျေးဇူးတင်ပါတယ်ရှင် ။  

jasmine

ရင်ထဲက ကောင်လေး

အိပ်မက်တွေထဲ မကြာခဏ

ကောင်လေးရေ မင်းရောက်လာတယ်

အတွယ်အတာ တွေ ထာဝရ လို့ရည်စူး

ကောင်လေး အတွက်ပေးခဲ့တယ်

သင့်တော်တဲ့ ဖိနပ်လေးတွေနဲ့

ရှေ့ကလမ်း

ဘာမှ မမြင်ရလဲ

တူတူလျှောက်ကာလှမ်း

ကောင်လေးနဲ့ အတူ

တို့ နှစ်ယောက်ရဲ့ လမ်း

တခြားသူတွေ လာလျှောက်ကြတယ်

အပြစ်ကင်းတဲ့  ကောင်လေး

လူတိုင်းကို နားလည်စွာ ခွင့်လွတ်

စေတနာ တွေ မတွန့်ပဲ

အပြစ်ကင်း အူစင်း

အဲတာ ကျွန်မ ရဲ့ ကောင်လေးပါ

တို့   နှစ်ယောက် သစ္စာတွေယုံ

မေတ္တာတွေ  ပုံ

ခွဲခွါခြင်းဆိုတဲ့  စကားတွေ

တစစီ ဆုတ်ဖြဲ

ကွယ်ရာမှာ လဲ အဟုတ်မကဲတဲ့

ကျွန်မရဲ့ကောင်လေးပေါ့ ။

jasmine

စိတ် ခံစားချက်

အပြင်းအထန် လိုချင်နေကြတယ်

ကျွန်တော် လဲပေးခဲ့ပါတယ်

သူတို့လိုချင်တဲ့ အရာ

ကျွန်တော် ပေးနိုင်တဲ့ အရာ

အံမ၀င်ဘူးဖြစ်နေတာ

ကျွန်တော် ပေးတဲ့အဖြူရောင်

သံယောဇဉ်များ

သဘောထားကွဲလွှဲခဲ့တယ်

ကျွန်တော် ပေးတဲ့

ရမ္မက်မပါ  အခက်တွေ မဖြာ

အကြင်နာ သက်သက်

ဆန့်ကျင်ဖက် ဖြစ်နေတယ်

ကြမ္မာတွေက ဆင်းရဲပြီး

လိုချင်မှုတွေက

အတင်းကာရော(အဓမ္မ)

ဒီအတွက်

ကျွန်တော့် ကို ခွင့်လွတ်ပေးပါ

သိခဲ့တဲ့ အတိုင်းအတာထဲ

ကန့်လန့်ကာ ချစရာမလိုတော့ဘူး

အမှောင်ထုသာကြီးစိုးခဲ့လို့လေ

သူတို့အလိုများကို

မထောက်ပံ့ မပေးကမ်း

မဖြည့်စီး ပေးနိုင်တဲ့

ကွန်တော်ကို လိမ္မာ ပါးနပ်မှု

မရှိသော မိတ်ဆွေလို့ သဘောထားလိုက်ပါ ။

jasmine

တီတင့် မင်္ဂလာသက်တမ်းနှစ်(၃၀)ပြည့် ပုလဲရတု အမှတ်တရ

နိုဝင်ဘာလ (၂)ရက်နေ့ တီတင့်တို့ ဇနီးမောင်နှံ မင်္ဂလာသက်တမ်းနှစ်(၃၀)ပြည့် ပုလဲရတု

အတွက်အမှတ်တရ ကဗျာလေးပါရှင် ။

နေ့ရက် လပြောင်း
နှစ်တွေဟောင်းလို့
နှစ်ပေါင်း သုံးဆယ်
ကြာညောင်းခဲ့လဲ
ကြင်နာစက
ချစ်စကားလဲ
ဒီနေ့ပြန်ကြား
ရင်ခုန်ဆဲပါကွယ် ။

ခက်ခက်ခဲခဲ
ဘ၀လမ်းထဲ
တူတူကျော်ဖြတ်
ဆူးရှိသည့်လမ်း
ထမ်းပိုးရင်းနဲ့
ကိုယ့်လက်သူတွဲ
သူလက်ကိုဆွဲ
အပြုံးမပျက်
အမုန်းမဖက်
ခရီးတွေပဲဆက်ခဲ့တယ် ။

အချစ်နဲ့ပျိုး
မေတ္တာရည်လောင်း
သစ္စာတွေ ထပ်ပေါင်းတော့
သံယောဇဉ်ဥယျာဉ်လေးထဲ
ဘယ်အခါမှ မနွမ်းမယ့်

မိသားစု တွယ်တာမှု ပန်းတွေ နဲ့

သားတို့ အသံ စီစီညံ့လို့
ကိုယ်တို့ကမ္ဘာကြီးလဲ လှခဲ့သည် ။

လွင်ပြင်လှိုင်းငယ်

***********************************************************

တနေ့ကလိုမဟုတ်တော့ပါဘူးကွယ်

ပြောင်းလဲနေတယ် နေ့တိုင်းညတိုင်းပေါ့

စက္ကန့်လေးတွေကစပြီး မိနစ်- နာရီ

ရက်-လ-နှစ်တွေလေ

ဒီလိုနဲ့ အချိန်တွေကုန်

မေတ္တာတွေ ပုံကာပေးလို့

ခံစားချက်တွေ ထပ်

နားလည်မှုတွေ အပ်နှင်းကာရယ်

ဂရုဏာတွေလဲ ပြည့်

အမုန်းတရားတွေ ကိုမေ့ခဲ့တာ

နှစ်ပေါင်း (၃၀)ကြာခဲ့ပြီလေ

နောင်နှစ်များစွာမှာလဲ

အမျိုးဘာသာ သာသနာ အကျိုးများကို

နိုးကြားစွာ ချမ်းမြေ့စွာ

 မိသားစုဝင်များအားလုံးနဲ့ (ချစ်သားများနဲ့)တူတူ

လက်ကိုတွဲ သံယောဇဉ်တွေ မြဲပြီး

အေးချမ်းစွာနဲ့ တူတူဆောင်ရွက်နိုင်ပါစေလို့

ဆုမွန်တောင်းလျှက်ပါရှင် ။

 jasmine

ကဗျာလာရောက်ဖတ်ကြသောမိတ်ဆွေများအားလုံးလဲ နောင်နှစ်များစွာထိ ချစ်ရသောခင်ရသော

မိသားစု -မိတ်ဆွေ -သူငယ်ချင်းများ  အားလုံးနဲ့တူတူ အမြဲလက်တွဲနိုင်ပါစေလို့ ကျွန်မဆုတောင်းမေတ္တာပို့ပါတယ်ရှင် ။

* ဖတ်ပါ* ပြီးတော့ ပြုံးဖြစ်အောင်ပြုံးပါ

  Monday, May 16, 2011 နေ့တွင်ဖော်ပြပြီးသားဖြစ်ပါ၍ ဆားချက်ထားပါကြောင်းစာဖတ်သူတို့ကိုအသိပေးအပ်ပါသည်။

 

“၀က်နဲ့ယောက်င်္ကျား ဘာခြားသလဲ”

“အရက်မူးတဲ့အခါ ၀က်ဟာ ဘယ်တော့မှ ယောက်င်္ကျား

တစ်ယောက်အသွင်ပြောင်းမသွားဘူး”

                         --------------------------------------

“ယောက်င်္ကျားဖြစ်သူ ဘယ်မှာရှိလဲဆိုတာ အမြဲတမ်းသိတဲ့မိန်းမဟာ

ဘယ်လိုမိန်းမမျိုးလဲ”

“မုဆိုးမ”

                        ----------------------------------------

“လေယာဉ်ပျံနဲ့ ရထားလက်မှတ်တွေ ဘာဖြစ်လို့

ဈေးတက်ကုန် ရတာလဲ”

             “အသုဘ ချတဲ့စရိတ်ပါ ထည့်ပေါင်းထားလို့”

                         ----------------------------------------

“မိန်းမတွေဟာ ဘာဖြစ်လို့ ယောက်င်္ကျားတွေထက် အသက်ပိုရှည်

ကြတာလဲဟင်”

         “ဆေးသုတ်ထားတဲ့ပစ္စည်းဟာ အမြဲတမ်းပိုခံတယ်လေ”

                         -----------------------------------------

“မင်္ဂလာဦးညမှာ အိပ်ယာခင်းမပေအောင် ဘာလုပ်ရမလဲ”

          ခြေတောက် ကိုကောင်းကောင်းဆေး”

                          ----------------------------------------

“ရေထဲမှာ အရည်မပျော်သွားတဲ့

အရာတွေက ဘာတွေလဲဟင်”

           “ ငါးတွေ”

                          --------------------------------------

“တစ်ယောက်ထဲ ချစ်တာကောင်းလား၊ 

ဒါမှမဟုတ် နှစ်ယောက်(သို့မဟုတ်)နှစ်ယောက်ထက်ပိုပြီး 

ချစ်သူထားသင့်သလား”

         “ဘယ်ကားသမားကိုမေးကြည့် မေးကြည့်၊

အပိုဘီးထားတာ ကောင်းတယ်လို့ဖြေကြမယ်”

                          -------------------------------------

“ကွန်မြူနစ်ခေတ်မှာ ခိုးတာဝှက်တာရှိဦးမှာလား”

“မရှိဘူး၊ ဆိုရှယ်လစ်ခေတ်မှာကတဲက

ခိုးလို့ကုန်ပြီ”

                           --------------------------------------

 

 

ဖတ်ခဲ့ဖူးသော မောင်ကောင်းထိုက်(ဟာသပဒေသာ)

မှ ဖော်ပြပေးခြင်းဖြစ်ပါသည်။

ရယ်သောသူသည် အသက်ရှည်ပြီးနုပျို၏။

 

jasmine

ပြန်လည် တူးဆွ ခံစားခြင်း

အသက်တွေအိုမင်းလာတော့

အတောင်အလက်တွေစုံပြီပေါ့

ကိုယ့်အထင်ပါ

စုံလိုက် မစုံလိုက်နဲ့

ခင်မင်မှု မေတ္တာတရားတွေကိုတော့

အကြွင်းမဲ့ပုံအောခဲ့တယ်

သစ္စာမဲ့ခြင်း ဆိုတဲ့ကောင်တွေ

မယုံချင်လဲ ယုံခဲ့ရပြီ

ပြန်ပြီးငေးကြည့်နေမိတဲ့ အတိတ်

ညှီနံ့တွေ တထောင်းထောင်းပေါ့

မနက်ဖြန်ကိုတွေးလို့ကိုမရ

ဒီနေ့ အဖြေဘာလဲ?

လောကရဲ့ ကောင်းခြင်းတွေ

ကောင်းကင်နဲ့ တက်ငြိ

နှလုံးသားကိုထိနေတဲ့

ရုန်းကန်ခြင်းတွေထဲ

လူအများ နစ်ပြီးရင်း နစ်နေခဲ့ပြီ

ပန်းတွေကလဲ သူ့ရာသီနဲ့သူတော့သစ္စာရှိကြပါရဲ့

ပွင့်ချင်တိုင်းလဲ ပွင့်နေပါရဲ့

တက်လမ်းတွေတော့ မဖွင့်ဘူး

ပိတ်ဆို့ဆဲပါကွယ်

စိတ်ကူးတွေ ခရေဖူးလို ကြွေကြ

သုံးလို့လဲမရ အပွင့်မဖြစ်သေးဘူးလေ

ဖဲကြိုးဝါတွေ ဟိုတစ ဒီတစ

ယုဇနပင်တော့ အလှဲထိုးခံလိုက်ရလို့

နလန်မထူနိုင်ပြီ

လုပ်ကြံမှုတွေများပြားလို့

အဟုတ်ခံလိုက်ရတဲ့အဖြစ်တွေ

တဖက်စောင်းနင်းတွေ များပြီးများ

ရိုးသားမှုနဲ့  တရားမျှတမှု

ဘယ်အရာမှ အရာမ၀င်

တသွင်သွင် စီးဆင်းနေတဲ့

စားပွဲအောက်က ငွေပေးတဲ့လမ်းစဉ်

 တောက်ပမြဲ တောက်ပဆဲ

တင်းကြပ်ဖြစ်နေတဲ့ခံစားချက်တွေ

ချောင်ပိတ်ခံထားရတယ်

အမှောင်ထဲက ဘ၀တွေ 

မျက်ရည်အရွဲ အလဲလဲ အကွဲကွဲ

မျော်လင့်ခြင်းတွေ

ဖြစ်မလာတော့

ဘာအသီးတွေစားရပါ့မလဲ

အတိတ်က ချိုခဲ့တဲ့အသီး

ခါးခဲ့ အသီး

ငါ့ အတွက်

ကဗျာကောင်း တစ်ပုဒ်တော့

ရကောင်းပါရဲ့ ။

jasmine

ခုတလော ချဉ်ခြင်းတက်ခြင်း

ခုတလော သတိရခြင်းဆိုတဲ့

ချဉ်ခြင်းတက်မှုတွေများနေတယ်

တောင်ကြီးအိမ်ကိုသတိရတယ်

ပင်စိမ်းသီးထောင်းကိုသတိရတယ်

အိမ်ရှေ့က စိန်ပန်းပြာ ပင်ကိုသတိရတယ်

တောင်ပေါ်ချယ်ရီလမ်းကိုသတိရတယ်

မကြာခဏသွားစားဖြစ်တဲ့

ကောက်ညင်းပေါင်းနဲ့ နှစ်ပြန်ကြော်ကိုလဲ

သတိရတယ် ခလေးဘ၀ကနေခဲ့တဲ့ လမ်းမတော် ၁၃၅ ကိုလဲသတိရတယ်

ရေအေးကွင်း ၀န်ကြီးလမ်းတလျှောက်လုံးသတိရတယ်

သစ်တော ကျောက်တစ်လုံးလမ်းအိမ်ကိုလဲသတိရတယ်

သတိရခြင်းတွေများနေတယ်

နေ့တိုင်း သတိရခြင်းတွေ ချဉ်ခြင်းတတ်နေတယ်

ဒါတွေပဲ ထပ် တလဲလဲ 

ဒီဇင်ဘာညတစ်ည သီချင်းလေးနဲ့ နုတ်ဆက်သွားတဲ့ ကိုခြူး(စောဂျက်ဆင်)ကိုလဲသတိရတယ်

ပူစူး(ဂရေဟမ်)ကိုလဲ တခါတရံ သတိရတယ် ကုန်လွန်ခဲ့တဲ့ နှစ်ပေါင်း ၂၀ ကျော် ကဖြစ်ပျက်တွေ

သတိရတယ်  

သတိရနေတာကိုဖွတ်ထားလို့မရ

သိမ်ထားလို့မရ

မိုးကုန်ပြီး ဆောင်းဝင်တော့မယ်

မေမေ တို့ကပြောသား

"အရင်လိုမအေးတော့ပါဘူး သမီးရယ် တောင်တွေကလဲ ကတုံးဖြစ်ကုန်လို့"

ဟုတ်မှာပါ အရင်ကဒီအချိန်ဆိုရင်အေးစပြုနေပြီလေ

ဘ၀ဆိုတဲ့ ၀ဲဂယက်ထဲ ၀င်လာသမျှ အရာ တွေ သိမ်းကျုံးလက်ခံလိုက်တဲ့

လူတွေများများလာတယ်

ယင်ကောင် မလာ စေချင်ရင်တော့ အညှီမရှိအောင်နေရမယ်

မွေးမြူလေးလုပ်ငန်းရှင်တွေ အသားတိုးအောင်လုပ်ကြတယ်

အမှန်တရားတွေရှာရင်းနဲ့ အရိုးရင့်တဲ့သူတွေလဲရှိပါရဲ့

နဲနဲ လာတယ်

လူတွေရဲ့ မျက်နှာလဲ အင်္ဂတေ ကိုင်ထားသလိုဖြစ်လာပြီး

အပြုံးတုလေးတွေတောင် ရှာပါးပစ္စည်းဖြစ်လာတယ် 

 ခြုံထားတဲ့ ခန္တီ ပါရမီက အရင်လိုမထူတော့ အများစုလဲမေတ္တာရေးရာ မလုံခြုံတော့ဘူးလေ

တွေးရင်း ရေးရင်းနဲ့ ပဲပုပ်နဲ့ ပင်စိမ်းထောင်းလေး

ချဉ်ခြင်းတက်လာပြန်ရောကွယ် ။

ဒီနေ့ညတော့ ချစ်သူကောက်ပြီးပေးတဲ့ ခရေလေးတွေနဲ့ 
အဲဒီ ချဉ်ခြင်းတတ်ခြင်းအရာအားလုံးကို မေ့အောင်ကြိုးစားရမယ်။

jasmine

၇ နှစ်ပြည့် နှစ်ပတ်လည် (ချစ်သူအတွက်)

ဖြူလွှလွှ စံပယ် တစ်ဆုပ် သူ ယူဆောင်ပေးတယ် တခါတရံ ပန်းနုရောင် မရင့်တရင့် ချယ်ရီတွေနဲ့ တင့်တယ်ခဲ့ဖူးတယ် တောင်တန်းကြီးတွေက စိမ်းလန်းတဲ့ သစ်တောတွေ တောအုပ်တွေ ကိုကျောပိုးထားသလို ကျွန်မလဲ ချစ်သူရဲ့ အကြင်နာတွေ ဘယ်လောက်လေးလေး ကျောပိုးလျှက်ပါ ဥပေက္ခာ မနှောတဲ့ အတွယ် အတာ အမှန်တွေ ရင်ထဲအမြဲရှိခဲ့တယ် ရှေးဟောင်းပုံပြင်ထဲကလို သေတပန်သက်တဆုံး လုံးဝ မမုန်းပဲ ရိုးမြေကျ အသဲတွေအထပ်ထပ်ကာရံ မုန်းမာန်လဲမရှိ အပြုံးသက်သက်ဖြစ်သာ ချစ်ခဲ့ရသူပါ ဒီလိုနဲ့  ၇ နှစ် သံယောဇဉ်တွေက နစ်ပြီးရင်းနစ်ခဲ့လဲ အချစ်တွေကတော့  ချစ်ပြီးရင်းလဲ ချစ်လျှက်ပါကွယ် ။ (အောက်တိုဘာလ ၁၇ ရက်နေ့သည် ကျွန်မတို့ရဲ့ ၇ နှစ်ပြည့် နှစ်ပတ်လည် နေ့ဖြစ်သောကြောင့် ကျွန်မရဲ့ ချစ်သူကို လက်ဆောင်ပေးတဲ့ကဗျာလေးပါ)  jasmine

တစ်ယောက်ထဲ ကျန်

တိုးတိုးလေးရွာတဲ့ မိုး

ခပ်ကျယ်ကျယ်ရွာခဲ့တဲ့ မိုး

ခုတော့ မင်းထွက်သွားရတော့မယ်

ဝမ်းမနည်းပါနဲ့ကွယ်

သူ့အချိန် သူ့ရာသီအတိုင်း

လှုပ်ရှားနေတာပါ 

မြူတွေ ဆိုင်းဆိုင်း

နှင်း တဝေေ၀

ငါ့အတွေးတွေအချိန်တိုင်းနစ်မြောတဲ့

ဒီဆောင်း

တကျော့ပြန်ရောက်ခဲ့ပြီပေါ့

နှင်းရည်တစက်

ချယ်ရီပင်ထက်

ကြွေဆင်းခဲ့တဲ့ အချိန်

အရှိကို အရှိတိုင်းပေါ့

အချစ်တွေကိုလဲ အချစ်တိုင်းပါပဲ

အပြစ်ကို အပြစ်ရယ်မမြင်ဖို့

အရေးကြီးတာပါ

ခုလောလောဆည်မှာတော့

အမဲဖျက်ခံလိုက်ရတဲ့

သံယောဇဉ် 

အုံနဲ့ကျင်းနဲ့ ရောက်လာတဲ့

ဥပေက္ခာတွေ

ညစဉ်ရက်ဆက်

အိပ်ဆေးနဲ့ တိုက်ကျွေးခံနေရတဲ့ဘ၀တွေ

ဖျားနာမှုမကင်းတဲ့ စိတ်တွေရယ်

နှလုံးသားရယ်

အပြင်းပြေတော့ လာ လာပြီး

မကျီစယ်ပါနဲ့ကွယ်

အိပ်မရလဲ

အိပ်မက်တွေ ရှိနေတာ ယုံပေးပါလို့

သွားမရလဲ

အကြင်နာတွေ

မင်းရှိတဲ့နေရာ ရောက်ရောက်နေတာ

ယုံပေးပါလို့ 

ဒဏ်ရာတွေနဲ့ နှလုံးသား

သိုသို သိပ်သိပ်ပါပဲ

ကြင်နာတဲ့အကြောင်းတရားကိုသာ

ရင်မှာယိုဖိတ်ပြီး

ချယ်ရီတွေ ဝေမယ့်အချိန်

စောင့်စားရင်း 

ခုတော့ 

ကိုယ်တစ်ယောက်ထဲကွယ် ။

jasmine

ဟိုတကွေ့က အလွမ်းတချို့

တွယ်တာမှုကို

တန်ဖိုးထားတတ်သူများရဲ့

ဝမ်းနဲ့ခြင်းများစွာနဲ့

အိမ် အပြန်လမ်းဟာ

လမ်းလျှောက်ရင်း 

လမ်းပျောက်နေသလိုပဲ

နှလုံးသားထဲ ကခံစားချက်တွေကတော့

တိဗက်တောင်တန်းကြီးလို 

မာကြောပြီး ရှည်လျှားလျှက်ပါတဲ့

မချိန်းထားပဲနဲ့

မကြာခဏ ဆုံနေရတဲ့

ကံမကောင်းမှုတွေထဲ

လွမ်းတတ်တဲ့ အလွမ်းလဲ ပါနေတယ်

ကိုယ့် ကြမ္မာ ကိုယ်ပြန်မေးပြီး

ကိုယ်တိုင်ရေးနေတဲ့

အလွမ်းတွေ

လူတချို့က ကန့်ကွက်နေပါရဲ့

အချိန်ဆိုတဲ့ သမားတော်က

ရှိနေပြန်သေးတော့

ကြာခဲ့ရင် ဘွာမခတ်မိစေနဲ့ကွယ်

ညည်းညူမှုတွေသာ ကျန်နေလိမ့်မယ်

သစ္စာတရားတွေ ဝေးနေခဲ့ရတဲ့ဘ၀မှာ

ဘာမှလဲ ဆေးဖက်မ၀င်နိုင်ဘူး

တွေ့နေရတဲ့

အရောင်အဆင်း

လွမ်းချင်းတွေသာ

ရဲရဲနီလျှက်

အချစ် စစ်စစ်ဆိုတာ

မိတ္တူ ပွားလို့မရပါ

ပုံတူ ပန်းချီတချပ်လဲ မဖြစ်နိုင်လို့

လိုအင်တွေကို မဖြည့်နိုင်တော့ဘူးကွယ်

စမ်းတ၀ါးဝါးနဲ့သာ

လမ်းဖြောင့်လေးကိုရှာဖွေဆဲပေါ့ ။ 

jasmine

ဖော်ပြခွင့် မရတဲ့ ခံစားချက်

အသံတိတ်မိုးရွာနေတယ် 

ရင်ထဲမှာတော့ တ၀ုန်းဝုန်း

တအုန်းအုန်း

ကိုယ့်ဆန္ဒ လုံးဝ မပါခဲ့ပါဘူး

ဘယ် လူကြီးမင်းရဲ့ သဘောထားများလဲကွယ်

လူတွေ မျက်ရည်အပြည့်နဲ့

လောကကြီး သာယာလှပသတဲ့

ဒီလူတွေ မသိတာလား

ရင်ထဲကို တခုခု ထိနေတာလား

တစ်ယောက်ယောက်ကတော့ 

လိမ်ညာမှု လုပ်နေတာ

အသေအချာပါပဲ

ခံစားချက်ကိုခေါက်သိမ်းပြီး

အရောင် ရင့်ရင့်တချို့

ကောင်းကင်ပြင်ကို ထိန်းသိမ်းထားသလို

လွတ်လပ်ခွင့်တွေကလဲ

အုံ့မှိုင်းနေလေရဲ့ 

အောင်မြင်မှု လမ်းကြောင်းတွေ

တုံ့ဆိုင်းပြီး

ရေသေအိုင်လိုမျိုး

လောက ကိုရင်မဆိုင်ရဲ

ကိုယ့် အထိုင်လေးမြဲဖို့

ကြိုးစားရင်းနဲ့ပဲ

အသံတိတ်မိုးတွေ

နှလုံးထဲမှာရွာ ။ 

jasmine

ရင်ဘတ်ထဲက မြင်ကွင်း

မျှော်လင့်ခြင်းတွေ ရင့်မှည့်လာတယ်

ရိတ်တဲ့သူတွေ ရိတ်သိမ်းကြသလဲ

အလွမ်းတွေ ရင့်မှည့်လာတယ်

ရိတ်တဲ့သူတွေ ရိတ်သိမ်းကြတယ် ။

ကလေးတစ်ယောက်ရဲ့ မျှော်လင့်ချက်

ကျောင်းသားတစ်ယောက်ရဲ့ မျှော်လင့်ချက်

မိသားတစုရဲ့ မျှော်လင့်ချက်

မြို့တစ်မြို့ရဲ့ မျှော်လင့်ချက်

တိုင်းပြည် တပြည်ရဲ့ မျှော်လင့်ချက်တွေကို

ဘယ်သူတွေ က 
ရိတ်သိမ်းနေပါသလဲ ။

ကျွန်တော်တို့ မြို့လေး
တိုးတက်မှုတွေနှေးကွေးတယ်
ကြွားဝါမှု့တွေ လှိုင်းလုံးကြီးတယ်
စကားလုံးတွေ ပြင်းထန်တယ်
ဦးဆောင်မှု့ ကိုတော့ ငြင်းဆန်ကြတယ် ။

ဆန်ကွဲနဲ့ ဆန်တူတူဖြစ်နေလို့
ဘာကိုရွေးရမလဲ စဉ်းစားမိတယ်
ဘယ်အချိန် ဖြစ်ဖြစ် ကွန်နက်ရှင်ကျနေတယ်
ဘယ်အချိန်  ဖြစ်ဖြစ် မီးမရဘူး
ဘယ်အချိန် ဖြစ်ဖြစ် ရေမလာဘူး
တရက်မှာ ၂၄ နာရီ
သူတို့ ၁ နာရီလောက်လာကြပါတယ်

လူတွေ ခပ်ကြပ်ကြပ် အသက်ရှူနေကြတယ် ။ 

ရိုးရိုးလေးပဲတွေးကြတယ်
အကြွေးတွေနဲ့ နိုင်ငံခြားကိုထွက်ဖို့လေ
အိမ်ကုန် မြေကုန်
နောက်ဆုံး လူလဲကုန်ကြပြီ ။


ကုန်ဈေးနှုန်းလိုပဲ
စကားလုံးတွေကြီးကြတယ်
တချို့ နိုင်ငံရေးအကြောင်းနဲ့
တချို့ လူမျိုးရေးအကြောင်းတဲ့
တချို့ ဘာသာရေးတဲ့လေ
သေချာနားထောင်ပါဦး
အိမ်မှာ အမေ နားကပ်ပေါင်ထားပြီး
ဆန်ဝယ်ဖို့ လုပ်နေတယ်
အဲဒီတချို့လူတွေ အမေ နားကပ်ပေါင်တာမသိဘူး
သူတို့သိနေတာ 
လေကိုဖမ်း ဒန်းစီးကြမယ် ။

  ဖြစ်တည်မှု လက်ရှိဘ၀

မကြာခဏပြောင်းလဲနေတယ်

အစကတည်းက သေချာမှု မရှိတာကို

အင်အားသုံး ဆွဲခါနေသေးပါရဲ့

ပြောချင်တာ

စားလဲသတိ

သွားလဲသတိ 

အိပ်လဲသတိ

အရာရာ သတိရှိနေတာ

အကောင်းဆုံးပါပဲ ။

(ပတ်ဝန်းကျင်မှ မြင်ကွင်းတစ်ချို့ ပုံဖော်ထားခြင်းသက်သက်မျှသာ)

jasmine

တစ္ဆေ မိတ်ဆွေတချို့

ဖြူစင်တဲ့

ခင်မင်မှု စစ်စစ်တွေ

မဌားရမ်းနိုင်ပါဘူး

အပိုင်လိုချင်တယ်ဆိုရင်တော့

ကျွန်မထံ 

ခွင့်တောင်းယူနိုင်ပါတယ်

အဲဒါကိုတော့

တန်ဖိုးထားတတ်ပါစေ

မျဉ်းကွေး မျဉ်းကောက်တွေ အကြား

နေသားကျနေတဲ့ သူ

အမှားတွေကို အမှန်ထင်နေတဲ့  သူ

ဖြူစင်မှုတွေ ရာသီတိုင်း

ဖုန်တက်လေပြီး

ရိုးသားခြင်းမရှိလေတဲ့

ပတ်ဝန်းကျင်မှာ

အနေခက်လို့နေမှာပါ ဆိုပြီး

အမြဲ ဖော့တွေး တွေးပေးပါတယ်

မသိခင်အချိန်ထိ

ခင်မင်မှု သံယောဇဉ်

ရင်ထဲငြီနေခဲ့တာပါ

အတ္တတွေ တဖြေးဖြေး

မဲနက်လို့လာတယ်

ဂတိတွေ ပျက်ကွက်လို့လာတယ်

ခင်မင်မှုတွေလဲ

အရောင်လွင့်ပြီး

ဖြူရော်ရော် ဖြစ်လာသလား

ထင်ယောင်မှား

မဟုတ်ဘူးနော်

တိတိကျကျ ကြီး  

ပစ္စုပ္ပန်ပြောင်းလဲလာတယ်

အတိတ်က အရိပ်တွေ 

သစ္တေ ၀င်စားလို့နေတာလား

အနာဂတ် ဆေးကြောမရအောင်

စွန်းထင်းနေမှာပေါ့

ကျောက်ကပ်တွေ အခိုးခံနေရတဲ့

ကမ္ဘာကြီးထဲ

ငါ့ရဲ့ ဖြူစင်တဲ့ 

နှလုံးသား 

မေ့ဆေး မပေးပဲ

ခိုးယူခြင်းခံလိုက်ရပြီ ။ 

jasmine