Keblinger

ပေါက်ကရ ရင်ခုန်သံစစ်စစ်များ ဖြင့်ဖွဲ့စည်းထားပြီး စံပယ်ပန်းများနဲ့မိုးထားသော ကဗျာလွင်ပြင်

*** မြသန်းတင့် ကွယ်လွန်ခြင်း ၁၃ နှစ်ပြည့် ***

| Thursday, February 24, 2011
(မဇ္ဈိမ) မှ ကိုပေါက် ရေးသားသည်။

နယူးဒေလီ (မဇ္ဈိမ)။     ။ စာရေးဆရာကြီး မြသန်းတင့် ကွယ်လွန်ခြင်း ၁၃ နှစ်ပြည့် ဆွမ်းကျွေးပွဲကို ရန်ကုန်တိုင်း စမ်းချောင်းမြို့နယ်ရှိ နေအိမ်၌ အင်္ဂါနေ့တွင် ပြုလုပ်ခဲ့သည်။
MTT_1
မြသန်းတင့် (ဓါတ်ပုံ မိုးမခ)
နှစ်လည်ပွဲသို့ ဆရာမြသန်းတင့်၏ စာပေ မိတ်ဆွေများ ဖြစ်သည့် ဆရာပါရဂူနှင့် ဆရာဒဂုန်တာရာအပြင် ဆရာထက်မြတ်၊ ကဗျာဆရာကြီး အံ့မောင်၊ ဦးဝင်းတင်၊ မုံရွာအောင်ရှင် စသည့် စာရေးဆရာများ၊ သတင်းစာဆရာများ လာရောက်ခဲ့ကြသည်။

ဆရာမြသန်းတင့်မှာ အဓိကအားဖြင့် ဘာသာပြန် စာပေများကို ရေးသားခဲ့ပြီး အရောင်းသွက် Best seller စာပေများထက် ဂန္ထဝင်စာပေများကိုသာ မြန်မာဘာသာသို့ ပြန်ဆိုလေ့ရှိသည့် အထင်ကရ စာရေးဆရာကြီး တဦးဖြစ်သည်။

“ကိုမြသန်းရဲ့ ဘာသာပြန်တွေဟာ သပ်သပ်ရပ်ရပ်၊ သိမ်သိမ်မွေ့မွေ့နဲ့ မြွေလေးတကောင် ရေကူးသွားသလိုပဲ။ ကျနော်တို့ ဘာသာပြန်တာတွေဟာ ဘာနဲ့တူလဲဆိုရင် ခွေးတကောင် ရေထဲကန်ချလိုက်တဲ့အခါမှာ သူလည်း ရေကူးတာပဲ။ ကူးပေမယ်လို့ သူက မျက်လုံးပြူး၊ မျက်ဆန်ပြူးနဲ့ ဘယ်ဘက်ဦးတည်မှန်းလည်း မသိဘူး။ ဒါ ကျနော့်စိတ်ထဲမှာ နှစ်ပေါင်းများစွာ ထောင်ထဲနေရင်းနဲ့ ပြန်စဉ်းစားမိတာပါ” ဟု သတင်းစာဆရာကြီး ဦးဝင်းတင်က မဇ္ဈိမကို ပြောသည်။



ထင်ရှားသော ဘာသာပြန်လက်ရာများထဲတွင် စစ်နှင့် ငြိမ်းချမ်းရေး (၁၂ တွဲ)၊ ခန်းဆောင်နီအိပ်မက် (၉ တွဲ)၊ ရွှေပြည်တော် မျှော်တိုင်းဝေး (၈ တွဲ)၊ ပါရီ ကျဆုံးခန်း (၃ တွဲ)၊ လေရူးသုန်သုန် (၂ တွဲ)၊ အချစ်မိုးကောင်းကင် (၂ တွဲ)၊ သုခမြို့တော်၊ မိန်းမတို့အကြောင်း စသဖြင့် စာအုပ် ၂ဝ ကျော် ဘာသာပြန်ဆိုပေးခဲ့သည်။


ဆရာမြသန်းတင့်သည် သက်တမ်းတလျှောက် နိုင်ငံရေး၊ စာပေနှင့် ငြိမ်းချမ်းရေး လှုပ်ရှားမှုများတွင် ရှေ့တန်းမှ ပါဝင်ခဲ့သူတဦး ဖြစ်သည်။ ကလောင်တဖက်၊ မိုက်ခွက်တဖက်နှင့် စာရေးဆရာဟု အသိအမှတ်ပြုခံရသူ ဖြစ်သည်။
MTT_2
မြသန်းတင့် ၁၃ နှစ်မြောက် နှစ်ပတ်လည်ဆွမ်းကျွေးသို့ လာရောက်သော မိတ်ဆွေများထဲမှ ဒဂုန်တာရာနှင့် ဦးဝင်းတင် (ဓါတ်ပုံ မိုးမခ)
“သူ (မြသန်းတင့်) ပြောခဲ့ဖူးတာ ရှိပါတယ်။ အင်္ဂလိပ်လိုဆို Back wash movement ဆိုတာ ရှိပါတယ်။ လှိုင်းလုံးကြီးတွေ ပင်လယ်ကမ်းစပ်ကို ရိုက်ခတ်သွားတဲ့ အခါမှာ အမှိုက်သရိုက်တွေ ရောပါလာတာပေါ့။ နောက်တခါ လှိုင်းလုံး ရေထဲ ပြန်ဆင်းသွားတဲ့အခါ အလွန်ပေါ့တဲ့ ပစ္စည်းတွေဟာ ရေနဲ့အတူ ပြန်ပါသွားတယ်။ ဗမာပြည်မှာလည်း ဒုတိယ ကမ္ဘာစစ်၊ လွတ်လပ်ရေး တိုက်ပွဲတို့၊ ပြည်တွင်းစစ်တို့ ဒီလိုလှိုင်းလုံးကြီးတွေ တလှိုင်းပြီးတလှိုင်း တက်နေတဲ့အခါ ပါလာတာတွေ အများကြီးရှိသလို ဒီလှိုင်းလုံးကြီးတွေ ကျသွားတဲ့အခါမှာ ပါသွားတဲ့ ဟာတွေလည်း အများကြီးရှိတယ်။ လူမှုရေးမတည်ငြိမ်မှုတွေ၊ စာပေမတည်ငြိမ်မှုတွေ အများကြီးရှိတယ်လို့ ပြောလေ့ရှိတယ်” ဟု ဦးဝင်းတင်က မဇ္ဈိမကို ပြောသည်။



ဖက်ဆစ်တော်လှန်ရေးကြီးအတွင်း မြေအောက်လှုပ်ရှားမှုများ၊ ပခုက္ကူခရိုင် ကျောင်းသားသမဂ္ဂ ဥက္ကဋ္ဌ၊ မန္တလေးခရိုင် ကွန်မြူနစ်ပါတီ၊ အထက်ဗမာပြည် ဖဆပလ အဖွဲ့ချုပ်၊ ဖြူးလယ်သမားကွန်ဂရက် ကိုယ်စားလှယ်နှင့် သီးစားခ မပေးရေး တိုက်ပွဲများတွင် ဆရာကြီး မြသန်းတင့် ခေါင်းဆောင်ခဲ့သည်။ ပြည်သူ့တိုးတက်ရေး ပါတီတွင်လည်း ပေါလစ်ဗျူရို လူကြီးအဖြစ် တာဝန်ယူခဲ့သည်။ ကိုကိုးကျွန်း အကျဉ်းစခန်းသို့ နှစ်ကြိမ်တိုင် ထိန်းသိမ်းခံခဲ့ရဖူးသည်။


ငြိမ်းချမ်းရေးလှုပ်ရှားမှုတွင် ဆရာကြီးသခင်ကိုယ်တော်မှိုင်း ဦးဆောင်သော ပြည်တွင်းငြိမ်းချမ်းရေး ဗဟိုကော်မတီတွင် အတွင်းရေးမှူး၊ ကမ္ဘာ့ငြိမ်းချမ်းရေးကွန်ဂရက် (မြန်မာနိုင်ငံ) အတွင်းရေးမှူး၊ ကမ္ဘာ့ငြိမ်းချမ်းရေးကောင်စီ၏ ဗျူရိုအဖွဲ့ဝင်အဖြစ် တာဝန်ထမ်းဆောင်ခဲ့သည်။

စစ်ပြီးနောက် စာပေသစ်လှုပ်ရှားမှုတွင် ဒဂုန်တာရာ၊ အောင်လင်း၊ ကြည်လင်၊ သန်းတင်တို့နှင့်အတူ ဦးဆောင်ခဲ့ပြီး “စာပေသည် ပြည်သူ့အတွက်” ဟု ကြွေးကြော်ခဲ့သူ ဖြစ်သည်။

ပင်ကိုယ်ရေး ဝတ္ထုများထဲမှ အကျော်ကြားဆုံးဖြစ်သည့် ‘ဓားတောင်ကိုကျော်၍ မီးပင်လယ်ကိုဖြတ်မည်’ ဝတ္ထုမှာ ၇ ကြိမ်တိုင် ပြန်လည်ပုံနှိပ်ထုတ်ဝေခဲ့ရပြီး၊ မြသန်းတင့်၏ သင်္ကေတ တခုသဖွယ် ဖြစ်ခဲ့ကာ စာပေဟောပြောပွဲများ၌ ထည့်သွင်းရှင်းလင်း ဟောပြောရလေ့ရှိသည်။

“၁၈ ရက်နေ့က ကျနော် ရမည်းသင်း စာပေဟောပြောပွဲမှာ ရောက်နေပါတယ်။ ဒီနေ့ဟာ ဆရာမြသန်းတင့် ကွယ်လွန်တာ ၁၃ နှစ်မြောက်ပါလို့ ထည့်ပြောခဲ့ပါသေးတယ်။ ပဏာမ နိဒါန်းမှာကတည်းက ကျနော်ပြောပါတယ်။ စာပေဟောပြောပွဲကို အလေးအနက် ထားသင့်ကြောင်း၊ စာပေဟောပြောပွဲဆိုတာ စာရေးဆရာတို့ရဲ့ စာပေသာသနာပြု လုပ်ငန်းတခုဖြစ်ကြောင်း၊ ဆရာမြက အဲလိုခံယူပြီး ဟောပြောလေ့ရှိတဲ့အကြောင်း၊ အဲလိုပဲ ကျနော်တို့လည်း နည်းနာယူပြီး အားထုတ်တဲ့အကြောင်း ပြောဖြစ်ခဲ့ပါတယ်” ဟု ဆရာချစ်ဦးညိုက မဇ္ဈိကို ပြောသည်။



ဆရာမြသန်းတင့်သည် အသက် ၇၉ နှစ်အရွယ် ကွယ်လွန်ချိန်အထိ စာအုပ်ပေါင်း ၈ဝ ကျော် ရေးသားပြုစုသွားခဲ့သည်။ ထိုအထဲတွင် ဝတ္ထု၊ ပြဇာတ်၊ စာပေဝေဖန်ရေး၊ ခရီးသွား၊ အထ္ထုပ္ပတ္တိ၊ နိုင်ငံရေး၊ သမိုင်း၊ ကဗျာကဲ့သို့ စာပေအမျိုးအစားများ ပါဝင်သည်။ ပြည်တော်သစ် ဂျာနယ်တွင် အယ်ဒီတာချုပ်အဖြစ်လည်းကောင်း၊ တိုးတက်ရေး သတင်းစာတွင် ဘာသာပြန် အယ်ဒီတာအဖြစ်လည်းကောင်း ဆောင်ရွက်ခဲ့သည်။


ဆရာမြသန်းတင့် ကွယ်လွန်ပြီးနောက် စာရေးဆရာ၊ ကဗျာဆရာများ စုစည်း၍ ‘စာပဒေသာ ဥယျာဉ်မှူးကြီး မြသန်းတင့်’ ဟူ၍လည်းကောင်း၊ ဆရာပါရဂူက ‘မြသန်းတင့်’ ဟူ၍လည်းကောင်း၊ ဆရာဝင်းငြိမ်းက မြသန်းတင့်နှင့် အင်တာဗျူးကို ‘ဓားတောင်ကိုကျော်၍ မီးပင်လယ်ကို ဖြတ်ခဲ့သူ’ ဟူ၍လည်းကောင်း ဆရာမြသန်းတင့်အကြောင်း စာအုပ်များ ထုတ်ဝေထားကြသည်။  

စာပေနှင့်ပတ်သက်သူတိုင်းသိစေချင်သောစေတနာဖြင့်
ဒီ blog ကိုတင်ပေးခြင်းဖြစ်ပါတယ်ရှင်။။။။။။


ဝင်ရောက်ဖတ်ပေးသော သူငယ်ချင်းအားလုံးကို
အစဉ်လေးစားလျှက်  jasmine

1 comments:

{ natthamee } at: February 24, 2011 at 8:45 AM said...

အမ လိုတော့စာသဖတ်အားမရှိပေမဲ့
ဆရာကြီးစာအုပ်တွေမြင်ဖူးပါတယ်..
ဖော်ပြပေးတဲ့ အမကိုကျေးဇူးတင်ပါတယ်။

Popular Posts

 

Copyright © 2010 Jasmine Blogger Template by Dzignine