ဆုတောင်းနေရတဲ့ အခြေအနေ

လရောင်မလင်းတဲ့ ည

ကြယ်ရောင်ပျောက်တဲ့ ည

သူ ကိုယ့်အနားမှာ မရှိတဲ့ ည

အရာအားလုံး အဓိပ္ပါယ်မဲ့သွားတဲ့ ည။

အဲဒီလို ညတွေ ဖြတ်သန်းရတာများလွန်းတော့

ခံစားချက် မည်မည်ရရ ဘာမှမရှိတော့ပါဘူး။

အိပ်မက်တွေ မကြာခဏ မက်တတ်သူ

စိတ်ကူးတွေယျဉ်တတ်တဲ့သူ

အဲတာ ကျွန်မပါပဲ။

တချို့ကောင်းတဲ့ အိပ်မက်

မြန်မြန်ဆုပ်ကိုင်ချင်သူ

စိတ်ကူးယျဉ်မှုတွေကို မြန်မြန်ဆုပ်ကိုင်ချင်သူလဲ

ကျွန်မပါပဲ။

စိတ်ထဲကနေ စကားလုံးတွေပြောမယ်လို့ရည်စူးနေတာ

အများကြီး

တကယ်ပြောဖြစ်တဲ့ စကားလုံးနဲ့ ရည်စူးထားတဲ့စကားလုံးတွေ

ခြားနားနေတာ အကြိမ်ကြိမ်

အသက်အရွယ်အရ ကိုယ်တိုင်စည်းတားမိတာ

အခါခါ။

ပုံစံခွက်ထဲ ကြီးပြင်းခဲ့ရတာ များလွန်းတော့

ပျင်းရိခြင်း

အိမ်လည်ခြင်း တွေမရှိခဲ့လည်း

အချက်အပြုတ်ဝါသနာရှိခြင်း အပင်လေးတွေ စိုက်ပျိုးခြင်း

စာဖတ်ခြင်း အလွန်စိတ်ဝင်စားခဲ့တဲ့သူ

အဲတာ ကျွန်မပါပဲ။

လက်ရှိအနေအထားရ

မည်သူကိုမှ လက်မကမ်းနိုင်သလို

တန်ဖိုးရှိအရာဝထ္ထုကိုလဲ မလှမ်းနိုင်တာမို့

မိတ်ဆွေသူငယ်ချင်း ဆွေမျိုးများအားလုံး

အစစ အရာရာ အဆင်ပြေ ကြပါစေလို့ ဆုတောင်းနေတာ

ကျွန်မပါပဲ။

jasmine

ပစ်ပစ်ရဲ့ tag ပိုဒ့်လေးပါ ခုမှတင်ဖြစ်လို့နောက်ကျနေပြီထင်ပါတယ်
တခြားသူများကိုထပ်ပြီးမတဂ်တော့ပါဘူး ကိုယ်တဂ်မည့်သူတွေက ပစ်ပစ်တဂ်ပြီးသားဖြစ်နေလို့ပါ။

ငါလဲ အပါအ၀င်

သက်သေပြစရာလဲ မရှိခဲ့ဘူး

လူ လူချင်းသနားညာတာမှုမရှိ လုပ်ကြံမှုများ

ပါးစပ်ဖျားမှာတော့ ပျားရည်အပြည့်

ပီပြင်ပုံမရတဲ့ အပြုံးတွေကြားထဲ

ငါ ဘယ်သူ့ကိုမှ မမုန်းမိပါ

ရက်လ အလီလီ ဒီခရီး ဒီလမ်း တို့တွေ လျှောက်လှမ်းရင်း

ဘုရားဘုရား ဆိုတဲ့သူတွေ စိတ်ရောလက်ပါ 

ကားယား ကားယား ဖြစ်နေပြီ 

မချမ်းသာချင်ဘူးပြောတဲ့သူတွေ 

ပိုက်ဆံဆို ငမ်းငမ်းတက်

စိန်ရွှေမကြိုက်ပါဘူးဆိုသူကတော့

မကြာမကြာ ရွှေတွေဝယ်စုလေနေရဲ့ 

အတ္တများကြားထဲ ဖြူစင်မှု အပိုင်းအစ 

ငါ ဘယ်လိုရှာရမလဲ ။

မသိတာမရှိ မတတ်တာမရှိ ဆိုတဲ့ လူတတ်ကြီးတွေကြားထဲ

ငါ ဟာ လူဗလာလိုလို ယုန်သူငယ်လိုလို

အသက်အရွယ်မမျှမှုတွေကြား 

စကားတွေစစ်ထိုး အလှဲလှဲ အပြိုပြို

ငါဟာ ပဲလှော်ကြားကဆား ။

တို့ ဘ၀တွေက ဆယ်ကျော်သက်မဟုတ်လေတော့

အမြင်မှား အတွေးတွေေ၀၀ါးစရာမလိုဘူးထင်ခဲ့တာ

ဘ၀တခုရဲ့

ကုသိုလ် အကုသိုလ်

ပျော်ရွှင်ခြင်း ၀မ်းနည်းခြင်း

အောင်မြင်ခြင်း ဆုံးရှုံးခြင်း တွေကို

ကိုယ်တိုင်လုပ်ယူကြရတာပါ 

အရိုအသေရှိခံချင်သူက ရိုသေထိုက်အောင်နေပေးပါ

ငါမှ ငါဆိုလျှင်လဲ ငါ့ကိုယ်ငါ တန်ဖိုးရှိစွာနေပေးပါ

အရာအားလုံး သိမြင်ခဲ့ရင်

လောဘ မောဟ နဲ့ အကြီးမှားဆုံး အတ္တဆိုတာတွေ

ဖြိုချလိုက်ပါက အနေလှနေပြီ။  

jasmine

ရလဒ်

ကျွန်မကိုယ်တိုင်က ရိုးသားမှုတခုနဲ့စခဲ့တာပါလို့

ပြောရမှာဝန်လေးနေမိတယ်

တကယ်တော့ ကျွန်မ မရိုးသားခဲ့ပါ။

ကျွန်မကိုယ်တိုင်က လိမ်ညာခြင်းမရှိခဲ့လို့

သူ လဲ လိမ်ညာခြင်းကင်းမယ်ထင်ခဲ့မိတယ်

တကယ်တော့ သူ လိမ်ညာခဲ့တာပါ။

မရိုးသားမှုနဲ့ လိမ်ညာမှုတွေ့ကြတဲ့အခါ

နှစ်ဦး နှစ်ယောက်လုံး ဆုံးရှုံးမှုတွေ ရင်ဆိုင်လိုက်ရပြီ။

ရလဒ်

နှလုံးသားတွေ ကြေမွခဲ့တယ်

ရင်ကွဲလမ်းဆုံမှာ ခွဲခွါခြင်းတွေကြုံတွေ့လိုက်ရတယ်။

ဒါကြောင့်မို့ 

ရိုးသားပါ။

လိမ်ညာခြင်းကင်းပါ။

jasmine