ခရီးသွားတဲ့သူတွေကိုအားကျနေရုံသက်သက် ကိုယ်ကဘယ်မှမရောက်

ပုံတွေတ၀ကြီးကြည့်ခဲ့ရပြီ 

ချစ်ခြင်းများစွာနဲ့ ဤ ကမ္ဘာမြေ လှပပါစေ

ငါ့ အတွေးထဲက

ရှိစု မဲ့စု စကားလုံးတွေ အားလုံး

ရေးချ ပြီး ကဗျာလုပ်တော့

ကာရံတွေကျဲလာတယ်

ကောင်းကင်ကြီးအမြဲမှောင်မဲနေတယ်

အလင်းရောင်တွေ ပျောက် ပျောက်လာတယ်

အဲဒီကနေ 

ဘ၀မှာဆုံးရှုံးမှုတွေ

ကြီးထွားလာတယ်လို့ထင်မိတယ်

မခေါ်ပဲ ရောက် ရောက်လာတတ်သူတွေထဲ

သံယောဇဉ်ဆိုတာလဲပါရဲ့

မနှင်ပဲ ထွက်သွားတတ်သူထဲ

အချစ်ဆိုတာလဲပါလေရဲ့

အသစ်ကိုမြင်တဲ့အခါ

ဘယ်လိုစကားလုံးတွေနဲ့မှ

ထိန်းချုပ် လို့မရတာကတော့

သစ္စာပျက်ခြင်းပါပဲ

ကိုယ်ပေးခဲ့တဲ့အရာအတွက်

ပြန်ရတဲ့အရာ နှစ်ခုကို

တိုင်းဆပြီး အမြဲ နှိုင်းယဉ်နေမယ်ဆိုရင်တော့

မပေးခင် စဉ်းစားဖို့လိုအပ်တယ်

ပေးသလောက်ပြန်ရချင်ပြီဆိုရင် အဲတာ

လောဘဖြစ်သွားလေရဲ့

မင်း တို့တွေးထင်နေသလို

မာနတွေငါ့မှာရှိမနေဘူး

အာဃာတတွေလဲ

လုံးဝ မထားဘူး

ရင်ဘတ်ကိုလဲ

အရှုပ်မခံနိုင်လို့

ငါ  အမြဲ

ငါ့  ရင်ဘတ်ဘတ်ကို

ရှင်းအောင်ထားနေတယ်လေ

 အမြင်မတူတဲ့ ဘ၀များအတွက်

ချိုသောအရာတွေ

ခါး ခါးလာတာ အပြစ်မရှိဘူးကွယ်

ဥပေက္ခာ အမုန်းတွေကျော်လွန်ပြီးခဲ့ရင်

ရင်ဘတ်ထဲ နှလုံးသား

နွေးမြမြလေးနဲ့

ကမ္ဘာပေါ်က ပန်းများအားလုံး

လန်းဆန်းလှပလို့နေအောင်

မင်းရော ငါ ပါ

အတူလက်တွဲပြီး

ကြိုးစားကြရအောင် ။

jasmine

Thu, Oct 18, 2012, ကရေးသားခဲ့သောကဗျာ

ခံစားချက်နဲ့အမှန်တရား

အရာရာကိုသဘောပေါက်စွာနဲ့

လက်ခံကျင့်သုံးရတဲ့  နေရာ

ဘယ်အရာကိုမှ လွတ်လပ်စွာ

ရွှေးချယ်ပိုင်ခွင့် မရှိတဲ့  နေရာ

လက်မခံချင်ပဲ 

အောက်သက်သက်နဲ့ 

အမှန်တရားလုံးဝ မဟုတ်တဲ့ ကိစ္စတွေအတွက်

မာနတွေ အထက်မှာမရှိတော့ပြီကွယ်

ဒီနေရာကနေ မပျောက်ကွယ်အောင်

ဒီနေရာမှာ မကျရှုံးအောင်

ကာကွယ်ရင်းနဲ့

သိက္ခာဆိုတာ

အမြစ်ပါမကျန် တွန်းလှန်ခြင်းခံလိုက်ရတယ်

လူအခွင့်အရေး

ပြောရေး ဆိုခွင့်

နောက်ပြီးတော့ ဝေဖန်ခြင်းတွေ

ဘယ်နေရာမှ အမှန်တရားဆိုတာ

မရှိတော့ပါ လား

အထိနောက်ကျနေလား

အသိနောက်ကျနေတာလား သေချာစဉ်းစားစမ်းပါအုန်း

သ်ိနေ တော်နေ လွန်းရင်လဲ လူတွေ

သောက်မြင်ကပ်သတဲ့လေ

သိပ်ညံ့နေပြန်တော့လဲ

သောက်သုံးမကျပြန်ဘူးတဲ့

အဲတာတွေဘယ်အရပ်မှာ 

အပြောများသလဲ 

လူအတော်များများ

ငပိရောင်းတဲ့သူတွေအိပ်ကုန်ကြပြီး

ဆားသည်တွေ ယင်ကောင်မာင်းနေကြလေရဲ့

လူတချို့ကတော့

တိုးတက်မှုတွေအတွက် စူးစမ်းနေကြတယ်

အပူဆိုတာ သူတို့တွေရဲ့ ဆန့်ကျင်ဖက်

အဲတာတွေသိတဲ့ အချိန်

ကျွန်တော် ၄၀ နားကပ်နေပါပြီတဲ့လေ

ကျွန်တော် အများကြီးနောက်ကျနေခဲ့တာလား

ကျွန်တော်ကြီးပြင်းတဲ့ပါတ်ဝန်းကျင်ကပဲ

နောက်ကျနေခဲ့တာလား

သိရင်လဲ ဖြေပေးပါသူငယ်ချင်းရေ ။

 

Jasmine

လွန်ခဲ့တဲ့ ၁၀နှစ်နီးပါးက ကဗျာ

 

အတွေ့အကြုံပြည့်ဝနေတဲ့ အလွမ်း( Blog day အမှတ်တရ )

အခါခါလောင်ကျွမ်းလှဲကျခဲ့ဖူးသူတယောက်မို့

ကယောင်ကတမ်းဖြစ်ဖို့မရှိတော့ပါဘူး။

ကြယ်ကြွေညတွေကိုလဲ ရိုးအီနေသူတယောက်မို့

ရူးသွပ်ဖို့မလိုတော့ပါဘူး ဒါပေမဲ့လရောင်အောက်က

စံပယ်ပွင့်တွေကိုခပ်စောစောကပဲ ခူးဆွတ်မိသေးတယ်။

ပေါက်ကရတမ်းချင်းမျိုးစုံနဲ့

ကမောက်ကမကြိုးခုန်ကမဲ့အရွယ်လဲမဟုတ်တော့ပါဘူး

ရင့်ကျက်မှုမရှိသေးတာတော့ဝန်ခံပါရစေ။

လွမ်းတတ်သေးရဲ့လားဆိုတဲ့မေးခွန်းကိုတော့

၁၂လရာသီလုံး လွမ်းတဲ့အကြောင်းပြောချင်နေမိသူတယောက်ပါ။

ဘ၀လမ်းပေါ်က အပြေးသမားတယောက်အဖို့

လက်ပန်းကျနေပေမဲ့လဲ

ပင်ပန်းမှုတွေခေါက်သိမ်းလို့မရသလို

ကျွန်မရဲ့ပင်ပန်းမှုတွေ လက်ပန်းကျမှုတွေ

အချိန်တိုင်းလတ်ဆတ်နေတယ်။

နီးရက်နဲ့လဲလွမ်းရသလို ဝေးနေတော့လဲလွမ်းတတ်ပါသေးတယ်

သံသရာဟိုဖက် ဘယ်သူမြင်မလဲ အဖန်တရာတိုင်လွမ်းနေတာ။

တီတင့်နဲ့မိုးညတို့ပြောတာနဲ့  Draft လေးကိုနဲနဲပြင်ပြီးတင်လိုက်ရတာမို့ အမှားပါခဲ့လျှင်ခွင့်လွတ်ပါရှင်။

အားလုံးကိုချစ်ခင်လေးစားသူ    စံပယ်ချို

အဆုံးသတ်(အနားသတ်)

အနေအထားက ပါးလျှပ်လျှပ်လေးမို့

သမုဒယကို အသေသတ်ခံလိုက်ရတာလား

သံယောဇဉ်ကို အနားသတ်ခံလိုက်ရတာလား

တခုခုပဲပေါ့ကွယ် ၊

အဆုံးဆိုတာ မရောက်သရွှေ့တော့

တစ်ဝက်တစ်ပျက်ဆိုတဲ့ စကားကိုပဲသုံးရမလား

တပိုင်းတစ ဆိုိတဲ့အသုံးနှုန်းကို သုံးရမလား

အပျက်အပျက်နဲ့  နေလာလိုက်တာ

ငါ့ နှလုံးသား သွေးတွေထွက်နေကိုလဲ

အသိသက်သေ မရှိလေတော့

နှမ်းဖြူးခံလိုက်ရတဲ့ အခြေအနေနဲ့ပဲ

ကျေနပ် နေရတာပါကွယ် ၊

တခါတရံ လွမ်းတဲ့အကြောင်း

အဖန်တရာ မပြောချင်ခဲ့သူပါ

အလွမ်းတွေ ခြွေချ ပြနေတာမဟုတ်ပါပဲ

ကာရံ မလှတဲ့ ကဗျာတချို့ နှလုံးသးထဲက

ကျကျ လာခဲ့တယ်၊

ရေပေါ်အရုပ်ရေးကြသူများ

ကျွဲပါစောင်းတီးကြသူများ

အိပ်ပေါက်နဲ့ ဖားကောက်သူများ

ရှိနေတတ်တယ်၊

ကျွန်မရေပေါ်လဲအရုပ်မရေးခဲ့ဖူးပါ

ကျွန်မစောင်းတီးတဲ့နေရာ ကျွဲတွေရောက်လာတတ်တယ်

အိပ်ပေါက်လဲမရှိသလို ဖားလဲမကောက်ခဲ့ဖူးပါ

သို့ပါသော်လဲ

ပိုးကုန်ပြီး ကျွန်မဘာမှ မတတ်ခဲ့ပါ ၊

နှစ်ချို့ဝိုင်လိုလို ကော်ဖီခါးခါးလိုလိုနဲ့

ကျွန်မရဲ့ အနာဂါတ်တွေ ပျက်ခဲ့ရပြီ ၊

ရှုံးနိမ့်လို့ ရလိုက်တဲ့ ဒဏ်ရာ

အပြန်တရာ နာကျင်လဲ

သန့်စင်တဲ့ ဒဏ်ရာဖြူပဲ ဖြစ်ပါရစေကွယ် ၊

ဘ၀တလျှောက်လုံး

မိုးခေါင်ညတွေ မဖြစ်ချင်ပါ

အဝေးကို သွားပါရစေ

ပြေးနိုင်သလောက်ငါ ပြေးခဲ့တာပဲ

ဘ၀သစ်တခုတွေ့ပြီမို့ ၀မ်းသာလိုက်ရတာ

နောက်မှသိတာ

သံယောဇဉ်အကျဉ်းထောင်ကြီးရဲ့ ၀င်ပေါက်တခုပါလားကွယ် ။

ရေးသားသူ စံပယ်ချို

ရေးသားချိန် September 2014.

တနှစ်ပတ်လုံး ခံစားချက်အတို

တရွက်နု ပြီးတော့ အကုန်လုံးလိုက်နုတဲ့ နွေကို
ပီပီပြင်ပြင် နူတ်ဆက်ခဲ့ပြီကွယ်....

တရွက်ကြွေ ပြီးတော့အကုန်လုံးလိုက်လို့ကြွေတဲ့ ဒီဆောင်း...အသစ်ဖြစ်နေပြီ
တပင်လုံးဝေခဲ့တုန်းက ငါ့အလွမ်းတွေ ခပ်စွေစွေဖက်ကို ယိုင်ခဲ့ရသလို
အရိုးပြိုင်းပြိုင်းနဲ့တွေ့ခဲ့ရတဲ့အပင်တွေကြောင့် ငါ့ လဲစိတ်ရိုင်းဝင်နေမိတာလား
နှလုံးသားမှာတော့ ဒွိဟ ။

နိုင်ငံတွေပြောင်းနေသော်လည်း
ချစ်ခြင်းတွေ မပြောင်းဘူး
အသက်အရွယ်တွေအိုမင်းလာသော်လည်း
ချစ်ခြင်းတွေ နုပျိုနေဆဲ ။ 

ဘယ်နေရာမှာ  ဘယ်လောက်ပင်ပန်းပါစေတော့
ချစ်နေတဲ့စိတ်ကိုနှလုံးသားထဲ ထည့်ထားရတာတွေကြောင့် 
ပင်ပန်းတယ်ဆိုတာလုံးဝ မရှိခဲ့ဘူးနော် ။

တခါတရံ သွားရင်းလာရင်း
စိတ်ပျက်စရာတချို့နဲ့ တိုက်မိတယ်
သွားရင်းလာရင်း ဘ၀င်မကျစရာနဲ့ တိုက်မိပြန်တယ်
------------------- ကြည်နူးစရာများနဲ့တိုက်မိပြန်တယ်
-------------------ချစ်ခြင်းများနဲ့တိုက်မိပြန်တယ် 
ခက်တာက ငါဘာနဲ့တိုက်မိပါစေလို့ဆုတောင်းလို့မရခဲ့တာပါပဲ
ဘာမှမရှိပဲ ပကာသနဆန်လိုက်ကြတာ 
လူ့ဘ၀ထဲ ရောက်လာခဲ့ပုံ တယောက်နဲ့တယောက်ကွာခြားလွန်းတာမို့
ကိုယ်ဘ၀ကို ကိုယ့်ကျေနပ်စွာ ရေးလိုက်တာပါ ။ ။ 

ရေးသားသူ Jasmine
ရေးသားပြီးချိန် December 1,2017

သက်တန့်ကို တမ်းတနေသူ

သူပြောတဲ့စကားနဲ့ ကိုယ်ပြောတဲ့စကား
အမြဲတမ်း ရင်ဘတ်ထဲ တိုက်ရိုက်အချိုးနဲ့ဝင်ပါတယ်
ရိုးရိုးလေးတွေ့ခဲ့ဖူးတဲ့ ဒို့ ၂ယောက်အကြောင်း
ပုံပြင်လဲမဟုတ် ဘာမှလဲမဟုတ်
နှလုံးသားထင်မြင်ချက်ပေးလို့မရခဲ့ဘူး
ရာသီအဆက်ဆက် ရင်ခွင်ဝေးခဲ့လဲ 
အနေမအေးခဲ့ဘူး
ရောက်ရာအရပ်မှာတော့
ရာသီအေးခဲ့တယ် ။

ဒီနေရာကိုရောက်လာတော့
ပုံတိုပတ်စ ပြောတတ်တဲ့သူ တယောက်မှမရှိတာ
အံ့သြစရာမရှိပါ 
သူတို့ဘ၀မှာ ပုံတိုပတ်စတွေအကြောင်းမကြားခဲ့ဖူးလို့ပါ ။

အရှေ့တိုင်းကိုခိုးခိုးပြီးပြီးလွမ်းနေရတဲ့ သူ
တောင်တန်းတွေကိုကြိတ်ပိုးနေရတဲ့သူ
ကြယ်တွေကိုတိတ်တခိုးရေတွက်နေတတ်သူ
 ချစ်သူနှလုံးသားကိုခြုံရင်အစစအရာရာလုံတယ်ထင်ခဲ့မိတာ ခုတော့သိပြီ မှားနေတယ်ဆိုတာ ။

လမ်းဆုံးလို့စာရေးထားတယ် ငါကိုယ်တိုင်အတင်းတိုးဝင်ခဲ့တာ
ပေါ့ပေါ့ ပါးပါး နေတတ်တဲ့ကိုယ်က နေရာတကာမှာပင်ပန်းနေရတယ်
အလိုက်သိတတ်မှုမရှိတဲ့ပတ်ဝန်းကျင်ထဲ ကိုယ်တယောက်တည်း
မောနေရတယ်
တက်ကြွမှုတွေနဲ့ကြီးပြင်းလာတော့လဲ တိတ်ဆိတ်ခြင်း ကိုမုန်းတည်းလာမိတယ် ။

မှတ်တမ်းရေးတယ်ဆိုတာ လွမ်းတဲ့အကြောင်းပါမယ်
စိတ်ဆိုးတဲ့အကြောင်းပါမယ်
ပျော်ရွှင်ခဲ့ရတဲ့အကြောင်းတွေပါမယ်
ချစ်တဲ့အကြောင်းတွေပါသလို
မုန်းတဲ့အကြောင်းလဲပါမှာပဲ
အကြောင်းအရာစုံလင်မှုတွေနဲ့ မှတ်တမ်း
ကျွန်မ မှာသိမ်းစရာနေရာမရှိပါ
ထို့ကြောင့် ကျွန်မ မှတ်တမ်းမရေးတော့ပါ 

တကယ်တန်း ကျွန်မမြင်နေရတဲ့ သက်တန့်ကို
လက်နဲ့ကိုင်ကြည့်ချင်သူပါ ။

ရေးသားသူ
Jasmine 
ရေးသားပြီးချိန်
September 9 - 2017

ရင်ထိအောင်လွမ်း

ဥတုရဲ့ ဒါဏ်ကြောင့်

ကျွန်မချစ်တဲ့သစ်ပင်လေးတွေ

အရိုးပြိုင်းပြိုင်း ဖြစ်ခဲ့ရတယ်

တခါက ထားတဲ့ဖူးတဲ့

အချစ် စစ်စစ်အတွက်

အလွမ်း ရိုင်းရိုင်းတွေ

ရင်ဘတ်ထဲ ခုန်ဝင်လာခဲ့ပြီ

ရှောင်လို့မရတဲ့အဆုံး

သစ်ရွက်လေးတွေကို နင်းခြေခဲ့ရပြီ

ရင်ဘတ်ထဲက အလွမ်းကိုလဲ

နင်းခြေလို့ ရခဲ့ရင် ?

တဦးယောက်က စွန့်ပြစ်သွားလို့

တယောက်ထဲ ကျန်နေတဲ့အချိန်

ခပ်စောစော နေ၀င် မိုးချုပ်တဲ့ ကာလမှာ

လရောင်ကိုလွမ်းတတ်တဲ့ စိတ်လေးနှလုံးထဲ ကိန်းအောင်းလာခဲ့ပြီ

အချစ်က သူ့ အတွက်နူပျိုစေပြီ

ကိုယ့်အတွက် အိုမင်းစေခဲ့တာလားကွယ်

အဆိပ်သင့်စေတဲ့ သံယောဇဉ်တွေ

နှလုံးသားထဲ သိမ်းထားခဲ့မိပြီ

နွေးနွေးထွေးထွေးမရှိခဲ့တဲ့အပြင်

သူက ဦးအောင်ထွက်ပြေးသွားခဲ့တယ်

ရုတ်တရက်သာပျောက်ဆုံးခဲ့ရင်

ကိုယ့်ရင်ကိုဒီလောက်လာထိမှာ မဟုတ်ဘူး

ဝင်လာတုန်းက သိသိသာသာ

ခုတော့ သူက တဖြေးဖြေးနဲ့ မသိမသာလေးထွက်ခွါသွားလိုက်တာပါ ။

jasmine

၂၀၁၃ တင်ဖူးတဲ့အဟောင်းကိုတချို့စာသားတွေပြောင်းပြီး ပြန်တင်လိုက်ပါတယ်။့ 

့

ရောက်တာရာရာအလွမ်းတချို့

အလွမ်းရိပ်တို့အစဉ်ခစားနေတဲ့

မေမေရဲ့ ကောင်းကင်ပြင်ကြီး

ကျွန်မ ဘယ်တော့များမှ ကြယ်စင်ဖြစ်ခွင့်ရှိမလဲ

စဉ်းစားရင်း တွေးတောရင်း

အိုမင်းလို့လာနေပြီ လက်ဗလာနဲ့လာကြတဲ့သူ လက်ဗလာနဲ့ပြန်ကြတဲ့သူ .

အဲတာလူတွေပေါ့

 ကောင်းသောထားရစ်ခြင်းတွေကိုထားခဲ့နိုင်ပါစေ ။

 တကယ်လို့ချစ်တဲ့စိတ်တွေမှာအရိပ်ဆိုတာရှိခဲ့ရင် ကျွန်မဘ၀တလျှေက်လုံး အရိပ်တွေချည်းပါပဲကွယ်။ ဒေလီယာကိုလဲချစ်ခဲ့ဖူးတယ် စကားပန်းလေးတွေကိုလဲ ချစ်ခဲ့ဖူးတယ် စံပယ်လေးတွေကိုလဲမြတ်နိုးခဲ့တာပါပဲ ခုတော့ ရင်ဘတ်တခုလုံး မှာ

ငွေရောင်အိမ်မက်ထဲ

စိတ်ကူးတွေ ရွှေချ

တကယ့်မဖြစ်အပျက်က

အရာအားလုံးမလောက်မငပါပဲ ။

ပင်လယ်ထဲမှာ စကားလုံးတွေမရှိသလို

ကောင်းကင်ပြင်မှာလဲ စကားတွေမရှိပါ

ကျွန်မရဲ့ စကားလုံးတွေက တိမ်တွေသယ်ဆောင်ရာပါသွားသလို

ကျွန်မအလွမ်းတွေကိုလဲ လေတိုက်ရာလွှင့်လိုက်ချင်သူပါ ။

ဘ၀ရဲ့လမ်းကို ကွေ့ကွေ့ကောက်ကောက်ဖြစ်လျှောက်ခဲ့ရတဲ့အချိန်တွေရှိခဲ့ဖူးတယ်

မိတ်ဆွေတချို့က ကိုယ့်ကိုအပေါ်ယံဆက်ဆံမှုတွေရှိခဲ့ဖူးတယ်

တချို့က ဖြူစင်သလို ရိုးစင်းသလို နေပေမဲ့ အတွင်းစိတ်မကြာခဏပြတတ်ကြတယ်

အဲဒီလိုပါပဲ

ကျွန်မရဲ့ ကဗျာတွေ တခါတရံ ရိုးရှင်းတယ် တခါတရံ ကောက်တွေ့တယ်

တခါတရံ ဖြူစင်တယ်

ကဗျာပေါ်ထားတဲ့ကျွန်မရဲ့စိတ်ကတော့ တကယ်ရိုးရှင်းဖြူစင်ခဲ့ပါတယ်

သို့သော်လဲ

တခါတရံ မျက်ရည်တို့ပါဝင်ခဲ့ရတယ် ။

ဘ၀ရပ်တည်ဖို့အတွက် လူတချို့ သိက္ခာတွေ ရင်းနှီးခဲ့ရတယ်
လူတချို့ကတော့ အစကတဲက ရင်းစရာသိက္ခာတောင်မရှိခဲ့ကြဘူး

ကံကိုသာအပြစ်တွေပုံချပြီး......လူတွေဖောက်ပြန်နေကြတယ်
လူတချို့ 
အမြဲ မိုးခါးရေအမြဲသောက်သုံးပြီးရပ်တည်လာရတဲ့
ဘ၀ကိုသာပိုင်ဆိုင်ထားရတော့ ရေသန့်သောက်ခွင့်ရလိုက်တဲ့အချိန်မှာ 
ကျွန်မလဲ ရောက်တတ်ရာရာကဗျာရေးဖြစ်ခဲ့ပါတယ် ။

jasmine

ကဗျာလို့ခေါင်းစဉ်တတ်လိုက်မိပေမဲ့ ရောက်တတ်ရာရာရေးသားခြင်း

မိုးရာသီ ^^^^^^^^^^^ အလွမ်းရာသီတဲ့လား

ရွာနေတဲ့ မိုးစက် လက်နဲ့ခံ ကြည့်လိုက်တယ်

လက်ကတော့ အေးစက်ပြီး နှလုံးသာ ပူလောင်နေဆဲ

ဘယ်အချိန် ဘယ်အခါမှ 

ကျိုးကြေမသွားတဲ့ ခံစားမှုတချို့

အောက်သက်သက်နဲ့ လွမ်းလို့ ကောင်းတုန်း

မုန်းမေ့လို့ သွားတတ်တဲ့သူတွေအတွက်တော့

ခံစားချက် ဗလာ ။

မထင်မှတ်ထားတဲ့ နာကျင်မှုက

ဒဏ်ရာတခုကို အစိမ်းချုပ်လိုက်သလိုမျိုးပေါ့ ။

တမ်းတမှုတွေကို ခပ်မာမာ မောင်းထုပ်လိုက်ချင်လဲ

နှလုံးသားက ခွင့်မပြု

အတု အပ ကိုလဲ ရင်ဘတ်ကလက်မခံ

လက်ကျန် အလွမ်းကို အဖော်ပြုပြီး

လွမ်းရက်ဆက်ရှည်

ကျွမ်းနေတဲ့ ဒီ အသဲ

မင်းခွဲရက်လေခြင်း ။

နေတတ်ရင်ကျေနပ်စရာကောင်းပေမဲ့

ကျေနပ်စရာကောင်းဖို့ နေတတ်အောင်လဲ 

ကျင့်နေရသေးတယ် ။

တွယ်တာတယ် ကြင်နာတယ်

ပြောခဲ့ဖူးတဲ့အချိန်က

ဟိုးအဝေးမှာကျန်လို့နေပြီမို့

ဘ၀တလျှောက်လုံး

ရင်ဘတ်မှာ အပေါက်ကြီးနဲ့

နေ နေရပြီကွယ် ။

မီးလောင်ခံခဲ့ရတဲ့ သံယောဇဉ်တွေကလဲ

နေမင်းဆီကို လမ်းလျှောက်နေလေရဲ့

ဘယ်လိုပင် တမ်းတနေလဲ

အမှတ်တရတွေကတော့

လွမ်းပြီးရင်လွမ်း

အတွယ်အတာတွေမှာတော့

ကျွမ်းပြီးရင်းကျွမ်းပေါ့ ။    ။

((ရွာနေတဲ့ မိုးကိုကြည့်ပြီး

ပေါက်ကရရေးမိတာလေးပါ))

jasmine

 

ကံဆိုးခြင်းနယ်နမိတ်အတွင်း

စံပယ်ရေ

တခုခုရေးပါလားတဲ့

ကဗျာဆိုပြီးဖတ်တတ်စအရွယ်ကတဲက

ကဗျာတွေကိုရေးတတ်ချင်ခဲ့တာ

ဖတ်ချင်နေခဲ့တာ

အဲတာတွေဟာ လက်တွေ့ဘ၀မှာ အမှားတခုဖြစ်ခဲ့ရပြီ။

အိမ်မက်တွေလှဖို့ချစ်သူကဆုတောင်းပေးခဲ့ဖူးတယ်

လက်တွေ့ဘ၀မှာ အိမ်မက်ကလှဖို့မလိုဘူး

ရင်ဆိုင်နေရတဲ့ နေ့စဉ်ဘ၀ပဲ လှဖို့လိုတယ်ဆိုတာ

အသိနောက်ကျနေပြီလား။

 ဒဏ်ရာတွေအများကြီးနဲ့ ဘ၀ကိုဖြတ်သန်းရမယ်ဆိုရင်

အဖြူရောင် ဒဏ်ရာများသာဖြစ်ချင်သူပါ

အပြုံးတွေဝေနေချင်သူဖြစ်ပြီးအမုန်းတွေကို စွန့်ပစ်ချင်သူတယောက်မို့

စည်းကမ်းတွေတင်းကျပ်မှုဘောင်ထဲ (သို့မဟုတ်) သေးသေးလေးကအစ

ကြည့်တတ်မြင်တတ်ဝေဖန်တတ်ရင် ကျွန်မနဲ့အဆင်ပြေမယ်မထင်ပါ။

အေးစက်စက်အပြုံး

အေးစက်စက်လက်အစုံ

အေးစက်စက်အကြည့် ခံစားရတာ များလာတော့

ကော်ဖီဆိုရင် ခပ်ပူပူလေးပဲသောက်ချင်မိတော့တယ်။

ဖိအားတွေ အားသာလွန်းလို့ အရပ်ဒေသတခုမှာ

အောင်မြင်မှုကခေါင်းပြူဖို့ဆိုတာ လွယ်ကူသည့်အရာမဟုတ်ကြောင်း

အသိနောက်ကျပြီလား?

ဆိုင်းသံ ဘုံသံတွေဆင့်ပြီးရောက်လာခဲ့တာမဟုတ်သလို

သဲဖြူခင်း ရာဇမတ်လဲ မကာထားတဲ့ခရီး

နှစ်ပါးသွားအကနဲ့ ဇာတ်ထွက်လာရသူမှာ

ဇာတ်ကမလှ အကလဲမတတ်

ကံကောင်းပါတယ်ဆိုလို့

ခပ်ရဲရဲပဲ ဆူးပုံကိုနင်းချလိုက်တာ 

ကိုယ့်ခြေတောက်မှာ သွေးချင်းနီနီ။

အတ္တနဲ့မာနအပြိုင်လက်ဝယ်ထားသူများ

ကျွန်မလက်ကို လာမတွဲပါနဲ့

စေတနာပါတဲ့

ပြောတော့ချိုချို ရင်ဝယ်ခါးခါး 

ကျွန်မပဲ မှားနေသလား

ဘောင်ခတ်ထားတဲ့ ပတ်ဝန်းကျင်ကြား

ကျွန်မကတော့ နှလုံးသာ တခြမ်းပဲ့

ဒဏ်ရာတွေအပြည့်။

၆လလောက်ကြာအောင်ရေးခဲ့ရတဲ့ ကဗျာ လို့ပဲပြောရမယ်ထင်တာပဲ။

Jasmine

တနေ့နေ့

        မိုးဖွဲလေးရွာနေတာတညလုံး မိုးလင်းထိ၊ တချက် တချက်လေပြင်းရိုက်ချက်ကလူတကိုယ်လုံးလွှင့်ထွက်မတတ်ခံစားရတယ် ပတ်ဝန်းကျင်ကမြင်မြင်သမျှ မှုန်ပြပြဖြစ်သလို ကျွန်မရင်ဘတ်ထဲက သတိရခြင်းလွမ်းခြင်းတွေကလဲ ခုထိမှုန်ပြပြဖြစ်နေသေးတာပဲ..ငယ်သူငယ်ချင်းဆိုတဲ့အသိနဲ့ တူတူသွားခဲ့ တူတူစားခဲ့ အမှတ်တရလေးတွေတိုက်ဆိုင်မှုရှိတိုင်း သတိတရရှိနေတုန်းပေါ့ ။
        ငယ်ငယ်ကနေခဲ့တဲ့ကျွန်မတို့အိမ်ရှေ့က စိန်ပန်းပြာပင်ကြီးပွင့်ချိန်ဆိုရင် အပြာရောင်လွင်ပြင်ကျယ်ကြီးအဖြစ်မြင်နေရတဲ့မြင်ကွင်း ဒီနေ့ထိမျက်စိထဲမြင်တုန်း အတွေးထဲမှာရှိနေတုန်း.
ကောက်ညင်းပေါင်းနဲ့အကြော်ဘယ်နားကဆိုင်ကောင်းတယ် တိုဖူးနွေးဘယ်ဆိုင်ကပိုကောင်းတယ် ငြင်းကြခုန်ကြနဲ့၊ တခါကတော့ တောင်ကြီးဟိုတည်မှာ ရှမ်းခေါက်ဆွဲစားဖြစ်ခဲ့တာမှတ်မှတ်ရရ...(စားလို့မကောင်းတဲ့အဖြစ်ကို) သတိတရရှိနေခဲ့ပြီးတို့၂ယောက်ရယ်မောခဲ့တဲ့ပုံရိပ်တွ ဝေေ၀၀ါးဝါးရှိနေခဲ့သေးတာကို
ထင်ထင်ရှားရှားမှတ်မိနေခဲ့အောင်ကိုမှတ်ဥာဏ်တွေကောင်းနေဆဲ၊ ကမ္ဘာကြီးရဲ့အနောက်ခြမ်းမှာသူနေပြီး အရှေ့ခြမ်းမှာကျွန်မနေပါတယ်။ သူ့ဖက်ကနေ၀င်ကိုယ့်ဖက်ကနေထွက် သူ့အရပ်မှာနွေရာသီ သစ်ပင်တွေအရိုးပြိုင်းပြိုင်းနဲ့နွေသရုပ်ပြနေခဲ့တာ၊ ကိုယ့်ဖက်မှာတော့ အဲဒီအချိန်ပတ်ဝန်းကျင်မြင်မြင်သမျှ
အကုန်လှတဲ့မြင်ကွင်း သူကလဲဒီကောင်းကင်အောက် ကိုယ်ကလဲဒီကောင်းကင်အောက် တို့၂ယောက်တပြိုင်တည်းဒီကောင်းကင်ကြီးကိုမော့ကြည့်မိမလားလို့တခါတလေတွေးမိသေးတယ်၊
      မကြာခင် လှပလွန်းတဲ့ နွေဦးရာသီကိုရောက်ပါတော့မယ် .. သူရှိနေတဲ့နေရာမှာတော့ ပူလို့ တောင်တန်းကြီးငိုနေပြီတဲ့လေ...  တွေ့ဖို့ခက်ခက် မြင်ဖို့ခက်ခက် လွမ်းတသက်သက်နဲ့
တမ်းတရင်းတမ်းတနေမိတာကိုက ကျွန်မရဲ့ အားနဲချက်များဖြစ်နေမလား ဘယ်တော့ပြန်ဆုံမလဲ
ဒီနှစ်လား နောက်နှစ်လား ဘယ်တော့လဲ ? မေးခွန်းတွေနဲ့ ချာချာလည်နေရပါပြီ ၊ အလွမ်းတွေကြီးလွန်းတော့ နှလုံးသားကမခံနိုင် ပေမဲ့  ဒီမြို့လေးက ကျွန်မကိုထုံဆေးထိုးပေးထားတယ်
ကျွန်မရဲ့ ထုံဆေးများနဲ့မြို့ လို့လဲတင်စားထားပြီးသားမို့ ခံနိုင်ရည်ရှိနေမှာပါချစ်သောသူငယ်ချင်းရေ။

jasmine

တကယ်တော့

အလွမ်းအဆွေးကဗျာတွေအရေးများခဲ့တယ်

တကယ်တော့ ကျွန်မဘ၀က အလွမ်းအဆွေးမရှိခဲ့ပါဘူး။

အချစ်အကြောင်းတွေဖွဲ့လိုက်နွဲ့လိုက်နဲ့ရေးခဲ့တယ်

တကယ်တော့ ကျွန်မဘ၀က အချစ်မရှိခဲ့ပါဘူး။

ရီးစားများပြီးခပ်နံ့နံ့ဆန်တဲ့အရေးတွေ ရေးခဲ့တယ်

တကယ်တော့ ကျွန်မခပ်နံ့နံ့ထဲက မဟုတ်ခဲ့ပါဘူး။

ပျော်စရာကောင်းတဲ့ကဗျာလေးတွေရေးခဲ့တယ်

တကယ်တော့ ကျွန်မဘ၀ပျော်စရာမကောင်းခဲ့ပါဘူး။

ဂျူလိုင်မိုးနဲ့အပြိုင် မျက်ရည်ဖြိုင်ဖြိုင်ကျတဲ့ကဗျာတွေရေးခဲ့ဖူးတယ်

တကယ်တော့ ကျွန်မမျက်ရည်ကပြောရလောက်အောင်မကျခဲ့ဖူးပါ။

လကွယ်ည ...လမိုက်ည...ကြယ်တွေမစုံတဲ့ည...အနက်ရောင်တောက်ပြောင်ခဲ့တဲ့ညများစွာ

ကျွန်မအတွက်ကဗျာတွေများစွာရခဲ့လို့လဲ ရေးခဲ့ဖူးပါတယ်

တကယ်တော့ အဲဒီလိုညတွေကိုထိုင်ကြည့်နေဖို့ ကျွန်မမှာအားလပ်ချိန်မရှိခဲ့ပါ။

အသဲထဲက ကျိုးတိုးကျဲတဲ သံယောဇဉ်တွေအကြောင်း

ကဗျာတွေသုံးပြီး စာစီကုံးခဲ့ဖူးပါတယ်

တကယ်တော့ကျွန်မအသဲ ကျိုးတိုးကျဲတဲမဟုတ်ခဲ့ပါ။

သဲထဲရေသွန် ကျွဲပါးစောင်းတီး ပိုးသာကုန်မောင်ပုံစောင်းမတတ် အဲတာတွေကိုသုံးပြီး

ကဗျာများစွာရေးခဲ့ပါတယ်

တကယ်တော့ ကျွန်မသဲထဲရေသွန်တဲ့အလုပ်မလုပ်တတ်ပါ

ကျွဲပါးစောင်းတီးတဲ့အလုပ်လဲ မလုပ်ခဲ့ပါ

ပိုးကုန်ပြီးမောင်ပုံစောင်းမတတ်မဖြစ်မျိုးလဲ မဖန်တီးခဲ့ဖူးပါ။

တကယ်တော့ ကျွန်မကချစ်ခြင်းတွေကိုသိမ်းထားတတ်သူဖြစ်ပြီး

ကျွန်မချစ်ရတဲ့သူက ချစ်ခြင်းတွေကိုပြသတတ်သောသူသာဖြစ်ပါတယ်။

အမြင်မတူ အတွေးအခေါ်ကွဲပြားခဲ့ပေမဲ့လဲ ကျွန်မတို့ချစ်ခြင်းတွေက

အပြစ်ကင်းစွာနဲ့ ရပ်တည်နေဆဲပါ။ 

jasmine

ကျွန်မနဲ့ရာသီများ

၁ နှစ်မှာလေးရာသီရှိတဲ့အရပ်

ရာသီပြောင်းချိန်တွေမြန်လွန်းလှတယ်

၁ ရာသီ ၃ လဆိုတာလဲ ခဏလေးပါပဲ

ဒီရာသီတွေနဲ့ ကျွန်မ တဖြေးဖြေးပျော်ဝင်လာပြီ

ချစ်တတ်လာပြီ ခံစားတတ်လာပြီ

ဆောင်းရာသီကလွှဲလို့ ကျန်တဲ့ရာသီအားလုံး

ကျွန်မနဲ့ လက်ထပ်ထားလိုက်တယ်....

ကျွန်မ မနှစ်မြို့ဆုံးကတော့ ဆောင်းရာသီ ။

ငယ်စဉ်အခါက ဒီဇင်ဘာရောက်ပြီ ဆောင်းရောက်ပြီဆိုရင်

ကျွန်မထက်ပိုပြီးပျော်နေတဲ့ မရှိသလောက်ဖြစ်ခဲ့တယ်ထင်ပါတယ်

အခုတော့ ဆောင်းရောက်ပြီဆိုရင်စိတ်တွေလေးလာတယ်

ပတ်ဝန်းကျင်ကလဲချောက်ကပ်လာတယ်

အရပ်လေးမျက်နှာမှာ အမှောင်ဖုန်းတယ်

အလင်းတွေပျောက်ဆုံးပြီး နေရောင်ဟာ သူထင်သလိုလင်းခွင့်မရတော့ဘူး

နှင်းထုတွေစိုးမိုးလွန်းတယ် ရေခဲတွေဖုန်းလွှမ်းလွန်းတယ်

သဘာဝကိုက သူ့တို့ကိုခွင့်ပြုချက်ပေးထားတော့

ကျွန်မမှာ တားပိုင်ခွင့်မရှိခဲ့ဘူး

မချစ်ပေမဲ့လဲ မုန်းတယ်မပြောရဲဘူး

သူ့ကိုမုန်းတယ်ပြောတိုင်း သူ့ရဲ့ အအေးဒဏ်နဲ့ ကျွန်မကိုဖိမှာလေ

အဲဒီတော့ သူ့ကိုကျွန်မရင်ဆိုင်ရပြီ

သူနဲ့ကျွန်မတွေ့ကြပြီ

သူ့ရဲ့ဒဏ်တွေကိုကာကွယ်မှုလုပ်ရမယ်

သူ့ကိုအမှတ်တမဲ့လို့ထင်ထားလို့မရတော့ဘူး

ကျွန်မချစ်တဲ့သူတွေထက်သူ့ကိုပိုပြီးဂရုစိုက်ရတော့တာပါပဲ

အဲဒီမှာကျွန်မသိလိုက်ရတာတခုက

ကိုယ် မချစ်တဲ့ အရာတွေကိုလဲကိုယ်က ဂရုစိုက်နေရပါလားဆိုတာကို။

jasmine

ကောင်းတဲ့ဖက်ကကြည့်ပါ

အမှန်တရားကိုပေးဆပ်လိုက်ခြင်းဖြင့်

တနေ့နေ့တချိန်ချိန် အမှန်တရားကကိုယ့်ထံရောက်လာမှာပါ ။

အချစ်တွေကိုပေးဆပ်လိုက်ခြင်းဖြင့်

တနေ့နေ့တချိန်ချိန် အချစ်တွေကိုယ့်ထံပြန်ရောက်လာမှာပါ ။

အမုန်းတွေကိုသာပေးဆပ်ခဲ့ရင်လဲ

အမုန်းတွေက ကိုယ့်ထံကိုပြန်ရောက်လာတတ်ပါတယ် ။

မကောင်းတဲ့အရာတွေကိုသာစဉ်းစားတွေးတောနေမိပြီဆိုရင်တော့

မိမိကိုယ်နဲ့စိတ်ကိုပါ မကောင်းတာတွေလွှမ်းမိုးခြင်းကိုခံရတတ်ပါတယ် ။

အပေါင်းအသင်း မိတ်ဆွေ သူငယ်ချင်းများအကြောင်း ကောင်းတာလေးတွေ

စဉ်းစားပြီး ကောင်းတဲ့ဖက်ကတွေးပေးလိုက်ပါ ၊ စိတ်ကိုသက်သာပေါ့ပါးစေပြီး

မိမိကိုယ်တိုင်လဲ ခွင့်လွှတ်နားလည်တတ်လာမည် ။

လူတိုင်းကိုဥပေက္ခာပြုပြီး မနာလိုဝန်တို ရန်လိုနေပါက လူတိုင်းကလဲ မိမိအပေါ်ထိုကဲ့သို့

စိတ်ကိုသာပြန်ပေးပါလိမ့်မည် ။ 

ပတ်ဝန်းကျင်နဲ့လူတွေက မုန်းတည်းခြင်းခံနေတာကိုကောင်းတယ်မထင်မှတ်ပါနဲ့

မိမိကိုယ်ကိုယ်သိမြင်တတ်ပြီး မိမိကိုယ်ကိုယ်ပြုပြင်တတ်ပါစေ ။   ။

 မည်သူ့ကိုမှရည်ရွယ်ခြင်းမရှိပါ။

ရေးသားသူ Jasmine