ဟိုရောက် ဒီရောက်(၄)

အတူတူ လက်မတွဲရတဲ့သူတွေအတွက်

အမှတ်တရဆိုတာ

အဆိပ် တစ်ခွက်ပါပဲ ။

၂၀၀၆ ဆိုတဲ့ ခုနှစ်

ဘေးကျပ်နံကျပ်ရပ်ကွက်ထဲ

ပဲ့နေတဲ့ စာရွက်စုပ်လေးတောင်ရှာမရလို့

ကဗျာလေးရေးဖို့ အတွက်
အိပ်မက်ထဲမှာ

 ငါ တပ်မက်ခဲ့ဖူးတယ် ။

အတွေးတွေကနီးနီးလာတယ်

လူချင်း ဝေးဝေးသွားတာဘာကြောင့်လဲ

ခေတ်ကြောင့်လား စနစ်ကြောင့်လား

ပျားရည်လိုဘ၀မျိုး

တည်ဆောက်ဖို့ပါပဲ

အားလုံး အဖိတ်အစဉ်တွေပါပဲ

အကွဲကွဲ အပြဲပြဲနဲ့

လဲသေဖို့ကောင်းနေပြီ ။

တစ်ယောက်နဲ့ တစ်ယောက်ချစ်ပြီးဝေးတာရှိသလို

ဝေးပြီး ချစ်နေကြတာလဲရှိနေတာပဲလေ

တို့ နှစ်ယောက် နီးရက်နဲ့လဲ လွမ်းနေတယ် ။

ဝိုင်တစ်ခွက် ဒါမှ မဟုတ်

ကော်ဖီတစ်ခွက်

ဇိမ်ရှိရှိ သောက်လိုက်ချင်တယ် 

အင်း...........ကော်ဖီနဲ့ ၀ိုင် 

ဘယ်တစ်ခုရွှေးမလဲ

ဖြေရခက်တဲ့ မေးခွန်းတွေ

မမေးပါနဲ့ တောင်းပန်ပါတယ်

ကော်ဖီကိုလဲချစ်တယ် ၀ိုင် ကိုလဲမမုန်းဘူးနော် ။

ပန်းတွေရဲ့ သဘောထား

အထာမကိုင်ပါနဲ့

ဝေနေတုန်းလှပေမယ့်လဲ

ထာဝရ မဟုတ်ပါ

ကြွေတဲ့နေ့ ရောက်လာတော့မယ် ။

ငါ မပျော်မိတာကြာခဲ့ပြီ

အဖော်တွေလဲ မရှိတော့ဘူး

ငါ မပြုံးတတ်တော့တာ ကြာခဲ့ပြီ

နင်အဝေးကိုထွက်သွားကတဲကပေါ့ ။

ပုံစံခွက်ထဲ ကြီးပြင်းခဲ့ရတဲ့ငါ

ဘ၀ကို လွတ်လွတ်လပ်လပ်နေချင်မိတယ်

ပြိုင်ဖက်မရှိ အပြတ်အသတ်ချစ်ခဲ့တာ

နင်သိရင် ငါကျေနပ်တဲ့ ဘ၀ဆိုတာ

ဒါပဲလေ ။

ဦးနှောက် ထဲက အသိတရား

ဘာတွေ မှားနေခဲ့ သလဲ

မြင်တွေ့နေရတဲ့ လက်တွေ့ဘ၀မှာ

လူတိုင်းကို ကြောင်ထင် ယုံထင်

ဖြစ်နေရပြီး

ခံစားချက်အားလုံးပေါင်းစီးလိုက်တော့

ချစ်သူတွေအတွက် 

သစ္စာတရားဆိုတာ

ဘာလဲ?

jasmine

ချစ်သူကို စိတ်မပျက်ချင်သူ

တရက်ပြီး တရက်

တလပြီး တလ

တနှစ်ပြီး တနှစ်

မင်းရဲ့ မာယာတွေတိုက်စားလို့

လှိုက်စားလာတဲ့ရင်ဘတ်ထဲ

နှလုံးသားလဲ ကင်ဆာဖြစ်ရပြီ

ဘာကိုယုံရမလဲ

ပုံကာပေးထားတဲ့ 

သံယောဇဉ်နွယ်

တစ်ပင်ထဲ ငြီတွယ်နေပြီလေ

အမှန်တရားတွေကွယ်ပျောက်လို့

စိတ်ထွေကာ ချောက်ချား

ကွယ်ရာမှာ ဖောက်ပြားနေပြီလား

အကြင်နာ အရောင် ခပ်ကျဲကျဲ

မသိခဲ့လို့

နှလုံးသားကိုလည်မှာဆွဲခဲ့တာလေ

ရင်းထားခဲ့တဲ့နှစ်တွေနဲ့

ဘ၀ရဲ့ အောင်မြင်ပြည့်စုံကာမှ

စိတ်ကုန်စရာလုပ်ရပ်တွေ

ရပ်တန်းက ရပ်ပါတော့

ချစ်သူကို အမြဲ စိတ်မပျက်ချင်ဘူး

အပိုအလုပ်လဲ ကိုယ်မလုပ်ဘူး

ဟန်လုပ်စကားလဲ ကိုယ်မပြောဘူး

မေတ္တာတွေ အစစ်အမှန်နဲ့

အသစ်တဖန်ပြန်ပြီးချစ်ကြတာပေါ့

ချစ်သူကိုလွမ်းရမယ်ဆိုလဲ

အဖန်တရာတိုင်ပါစေ

ဘယ်တော့မှ တမ်းတခြင်းတွေကို

အန်ထုတ်မှာမဟုတ်ပဲ 

ရင်ဘတ်ထဲအမြဲ သိမ်းထားပါ့မယ်

jasmine

မောင်နွေလ၏တဂ်ပို့

ပျက်အစဉ် ပြင်ခဏ

ပျက်တာမှန်ရင် ပြင်ရင်ရပေမယ့်

 ဖျက်လို့ ပျက်ရင်

ပြင်ရပေမယ့်

ရင်ဝမှာတော့

ဒဏ်ရာ ဗလပွနဲ့

တသက်တာတော့ ဒဏ်ရာရဲ့ နာကျင်မှု့

အမာရွတ်ကတော့ ကျန်နေအုံးမှာပါ ။

အရင်တလောလေးက မောင်နွေလက သူ့လလော့လေးပျက်သွားလို့ ကျွန်မစီဘောက်မှာ လာငိုသွားပါတယ် (တကယ်လဲ သူအရမ်းဝမ်းနည်မယ်ဆိုတာကို ကိုယ်ချင်းစာမိပါတယ်) ။သူလာတဂ်တုန်းက ချက်ချင်းရေးပေးချင်ပေမယ့် ချူချာလွန်းတဲ့

ကျွန်မမိဂျက် အစာအိမ်နာ သွေးပါတိုးနေလို့ မရေးဖြစ်ခဲ့တာကို နားလည်ပေးပါ မောင်နွေလရေ ။အခုတော့ လင်တော်မောင်က

ဂရုတစိုက်ပြုစုလို့ သက်သာသွားပြီဆိုတော့ ကျွန်မရင်ထဲကအတိုင်း မောင်နွေလ အမေးလေးတွေကို ဖြေပေးပါတော့မယ် ။

(၁) သင့်ဘလော့လေးကို ဘယ်အချိန်ကစပြီး တည်ထောင်ခဲ့ပါသလဲ … ဘယ်လိုတည်ဆောက်ခဲ့ရသလဲ ?

  Tuesday, February 14, 2011 ချစ်သူများနေ့မှာ တည်ထောင်ဖြစ်ခဲ့တာပါ။ ကျွန်မချစ်လင်ကိုလွင်ပြင်က သူအလုပ်သွားချိန်

ကျွန်မတစ်ယောက်ထဲအိမ်မှာ အထီးကျန်နေမှာစိုးလို့ဆိုပြီး ကျွန်မ၀ါသနာပါတဲ့ ကဗျာရေးလို့ရအောင် ချစ်သူများနေ့မှာ အမှတ်တရပေးခဲ့တာပါ ။

                        ******************************************

(၂) ဘလော့ကို ဘယ်လိုရည်ရွယ်ချက်ကြောင့် တည်ထောင်ဖြစ်ခဲ့သလဲ ?

ရည်ရွယ်ချက်ကြီးကြီးမားမားတော့မရှိပါဘူး ကဗျာရေးတာဝါသနာပါတော့  မှတ်စုလေးအနေနဲ့ ရေးဖြစ်တာပါ ။အခုတော့ ဘလော့ဂ်သူငယ်ချင်းတွေနဲ့ ပျော်စရာကမ္ဘာလေးတစ်ခုပေါ့ ။

                           *******************************************

  (၃) သင် သင့်ရဲ့ဘလော့လေးအပေါ်မှာ ဘယ်လောက်ထိ ရည်မှန်းထားသလဲ … ဘယ်လောက်ထိ မြတ်နိုးတန်ဖိုးထားသလဲ ?

ရည်မှန်းချက်ကတော့ ရင်ဘတ်ထဲကခံစားချက်တွေကို ချရေးရရင်ကျေနပ်ပါပြီ ။ မြတ်နိုးတန်ဖိုးထားတာကတော့ အရမ်းပဲ ပြောမပြတတ်ဘူး ။

                  ****************************************

 (၄) သင့်ဘလော့လေး ရုတ်တရက် ပျောက်ဆုံးသွားခဲ့ဖူးပါသလား ?

 

တခါပျောက် ဖူးတယ် ။

                         **************************************

(၅) ပျောက်ဆုံးသွားတဲ့အချိန်တုန်းက သင် ဘယ်လောက်ထိ ခံစားခဲ့ရဖူးလဲ … ?

 

အရမ်းခံစားရတာပေါ့ မေးလ်ကို ဖွင့်မရ ဆိုဒ်ကိုဖွင့်မရနဲ့ အရူးတစ်ယောက်လိုပဲ ငိုယိုပြီး သူ့ဆီဖုန်းဆက် ထိုင်ရမလို ထရမလိုနဲ့

သူကလဲ အိမ်ကို ချက်ချင်းပြန်လာပြီး ဘယ်လိုလုပ်လိုက်လဲတော့မသိဘူး ငါးမိနစ်လောက်နေတော့ ပြန်ရတယ် ပြန်ရတော့

ဘယ်လိုကြည်နူးမှန်းကိုမသိဘူး အရမ်းပျော်တာပဲ ။

                             **********************************

မောင်နွေလရေ အမတော့ရင်ထဲကအတိုင်းရေးချပေးလိုက်ပြီနော် လူသားအားလုံး ၀မ်းနည်းခြင်းမှ ကင်းကြပါစေ

jasmine

 

ချစ်သူ မရှိတဲ့ည

ဂယောင်ချောက်ခြားမှုများစွာနဲ့

အာရုံတွေကလဲ အထွေထွေ အပြားပြား

ကောင်းကင်က လမင်း

ရုတ်တရက်ပြုတ်ကျလာတာလား

ဘာရယ်တော့ သေချာမသိပေမယ့်

ငါ့အသဲ ပြားချပ်ချပ်ဖြစ်နေတာ

အသေအချာပါ 

အမှောင်တွေ ပိုနေတာလား

အရာအားလုံး

ယောင်ယောင် မှားမှားနဲ့

မျက်ကန်း လမ်းပျောက်နေသလို

လင်းခနဲ လက်ကနဲ

ကြယ်တွေကြွေတာလား

မျက်ရည်မိုး တသည်းသည်း

နှလုံးသားက မိုးခြိမ်းသံ

အရောင်တွေ မဲနေသလို

အဲတာ ချစ်သူထွက်ခွါသွားတဲ့ညပေါ့ ။

jasmine

အမြဲ ထပ်တူ

လကွယ်ညမှာ ချစ်သူအရိပ်တွေ ဘယ်များတွယ်ကပ်နေမလဲ စိတ်ပူတဲ့ အရူးတစ်ယောက်လို အရှိုက်ကို ထိုးနှက်ခံခဲ့ရလို့ လူမမြင်နိုင်တဲ့ ရင်ဘတ်ထဲ တစစီဖြစ်ခဲ့ရပြီ အဲတာ အတွင်းကြေ။ နှလုံးသား မှတ်တမ်းတွေ ထားစရာနေရာမရှိတာလား ည  ည ငါ့အခန်းထဲ ငါတစ်ယောက်ထဲ ကဗျာတွေနဲ့ ရှုပ်နေတာ အဲတာ အလုပ်တခုပေါ့ လဲမကျဖူးတဲ့ ခြေလှမ်း ဘယ်များရှိမလဲ ခဏခဏ လဲကျတယ် ခဏခဏ ပြန်ထတယ် မကြာခဏ အရှုံးနဲ့ရင်ဆိုင်ရတယ် မကြာခဏ အနိုင်ရပြန်တယ် အဲတာလူ့လောက ။ မင်းအကြောင်း ကောင်းသတင်း မကောင်းသတင်း အစုံ ကြားနေရမှာ ကောင်းသတင်းပြောသူများကို ချစ်ခင်ပြီး မကောင်းသတင်းပြောသူများကိုလဲ  ကြင်နာပါ မမုန်းမိပါစေနဲ့ လူတိုင်းမှာ အကြောင်းပြချက်တွေ အများကြီးရှိနေတဲ့ ကမ္ဘာ အစစ် တွေအားလုံးရှားတဲ့ ကမ္ဘာ မျက်ရည်တုတွေ ပေါလာတဲ့ ကမ္ဘာ ကဗျာတွေလဲ မှိုလိုပေါက်လာတဲ့ ကမ္ဘာ ငါ့နှလုံးသား ခံစားချက် စစ်စစ်တွေ လူချင်းနီးနေလဲ စိတ်ချင်းဝေးတဲ့ ဘ၀ ငါမလိုချင်ဘူးကွယ် တို့နှစ်ယောက် ဘယ်လောက်ဝေးမလဲ နှလုံးသားထပ်တူနဲ့  ဆက်လက် ကြည်ဖြူစွာချစ်နေမှာပါ ။ jasmine

ဖြူစင်တဲ့ အနာဂတ်

ရာသီတွေ မပီမသနဲ့

ဒဏ်ရာတွေကတော့

ဗလပွ ပါပဲ

ပြတ်ရွေ့ အက်ကွဲကြောင်းတွေကိုလဲ

အဖြစ်သည်းပြီး မပြောတော့ပါဘူးကွယ် ။

လောကကြီး ရွှေးချယ်စရာတွေပုံလို့

ဘ၀ရဲ့ ဈေးကွက်လား

အချစ်ရဲ့ ဈေးကွက်လား

ဈေးတော့ အပြောင်းအလဲ

ကစားနေကြလေရဲ့

အရှက်တွေလဲ ခွါချကြ

ယုံကြည်ချက်တွေက နေရာမရ

ကိုယ်တိုင်လဲ

ကျေးကျွန်မှန်း သခင်မှန်းမသိကြတော့

ရလဒ်တွေ လုံးပါးပါးတဲ့

ဈာပန အခမ်းအနား တစ်ခုလိုပါပဲကွယ် ။

 စိန်ခေါ်မှုတွေ နဲ့စခဲ့ရတဲ့ဘ၀

မျက်နှာကြီးရာ ပါသွားတဲ့အသားတုံးတွေ

ယှဉ်ပြိုင်မှု ဆိုတာ စကားအဖြစ်ကျန်နေရစ်တာပဲ ။

ဒဏ်ရာတွေ ကင်းတဲ့ ရင်တွင်း

ဘယ်မှာရှိမလဲ

အမှန်နဲ့ အမြဲတွဲနေတဲ့

အမှားတွေကို ကန်ထုတ်

အဖြူနဲ့ လာလာပြီးရောတဲ့

အမဲတွေကိုလဲ

သုဿန်ပို့

ဒီတစ်သက်စာအတွက်

ဖြူစင်မှုတွေတည်ခင်းပြီး

တို့တွေ အနာဂတ်လမ်း

တစ်ယောက်လက် တစ်ယောက်ဆုပ်ကိုင်ပြီး

ဖြောင့်ဖြောင့် တန်းတန်းလျှောက်ကြပါစို့နော် ။

jasmine

ဘယ်လောက်လွမ်းလွမ်း ခွင့်လွတ်တယ် ချစ်သူ

ရာသီတွေ တရွေ့ရွေ့နဲ့ပြောင်းလဲ

အလွမ်းတွေ မမေ့တမေ့ ဖြစ်နေဆဲ

ချစ်သူ

ကိုယ်သိပ်ရိုင်းသွားသလား

ငြင်းပယ်ခဲ့တာလေ

လွမ်းရမယ့်တူတူ

ခပ်စောစောလမ်း ခွဲတာ

တို့နှစ်ယောက်အတွက်

အကောင်းဆုံးပါပဲ ။

နှစ်ဦးနှစ်ဖက် အတ္တတွေကြား

သက်လုံကောင်းကောင်း

ထားနိုင်ဖို့

ငါ လေ့ကျင့်ပြီးသားပါ

စိတ်ထဲစိုးမိုးနေတဲ့

အမှောင်တွေ

ပြန်လင်းချင်မိတယ်

နှလုံးသား မှာစွန်းထင်းနေတဲ့

အရောင်တွေ

မြန်မြန်ချွတ်ပစ်ချင်တယ် ။

သောကအထွေထွေနဲ့

ပွေရှုပ်ခံရတဲ့ လောကထဲမှာ

အရောင်တွေစွန်းနေတဲ့

အမှန်တရားကိုလဲ

မိတ်ဆွေမဖွဲ့လိုတော့ပါဘူးကွယ် ။

ငါကိုယ်တိုင်အတောမသတ်နိုင်တဲ့

မောဟ အလွမ်းတွေနောက်ကိုပဲ

ခြေလှမ်းတို့ ကောက်ကောက်ပါအောင်

လိုက်တတ်နေပါပြီ

သွက်သွက်ခါ ရူးမတတ်

ချစ်ခဲ့ရလို့

ဖုတ်ဖက်ခါ ထသွားမယ်ဆိုရင်လဲ

အသာတကြည်နဲ့ကွယ် ။

ရေလှိုင်းတို့ရဲ့ တိုက်စားမှုဒဏ်ကိုစောင့်နေတဲ့

ကမ်းစပ်က ကျောက်ဆောင်တွေလိုပဲ

ငြိမ်ငြိမ် သက်သက်လေး

လည်စင်းပေးမယ်

မင်းအတွက်ကွယ် ။

jasmine

 

 

ကဗျာတို(ရ)

ကျေးဌက်တွေမှာ 

စကားသံတွေရှိတယ်

စမ်းရေတွေထဲမှာ 

သံဇဉ်တွေရှိတယ်

ငါ့ နှလုံးသားထဲ 

မင်းအမြဲရှိနေတယ် 

ယုံပေးပါ ချစ်သူ။ 

jasmine

အမြန် ပြင်လိုက်တော့

သစ္စာတရားတွေ

ဘယ်ရောက်ကုန်လဲ

တရားမ၀င်ပျောက်ဆုံးသွားတော့

သစ္စာကို မှောင်ခိုကူးနေသူတွေရဲ့

လက်ချက်ပဲ ဖြစ်မှာပါ

တသသနဲ့ တမ်းတနေမယ့်အစား

မ၀ တ၀ ဖြစ်ခဲ့တဲ့

အကြင်နာ ပါးပါးလေးကို

လားလားမျှ မဆိုင်သလိုလုပ်ပြီး

ထိုင်သာငိုလိုက်ချင်မိပြီ

ရှေ့မှာ ဒုက္ခ ရှိနေတယ်

ဘာကြောင့် အတင်းတိုးရတာလဲ

ဖြေးဖြေး   ကိုယ့်လူ

ဒုက္ခကို ဒုက္ခမှန်းသိလဲ

ငယ်ငယ် သမ ဆိုင် တန်းစီတာမြင်ခဲ့ဖူးတယ်

လူတိုင်းရဲ့ ပါးစပ်ဖျား

ခါးခါးတွေ ထွက်မလာဘူး

အမှန်တရားဆိုတဲ့ သစ်ပင်တု

အိမ်တိုင်းစိုက်ကြပြီ

နှုတ်ခမ်းက အပြုံးတွေဝေ

အမုန်းတွေ ရင်ထဲထား

စကြာဝဠာ တခုလုံး

အမှားတွေ ကျုးလွန်

အမှန်တွေ ထွန်ယက်နေကြတယ်

တကယ်စိုက်တာက

ဟန်ဆောင်ခြင်း

ဘာသာ တရားကို

ကြည်ညိုပါတဲ့ဆိုသူတွေ

ဘုရားဟောတဲ့ကျမ်း

ပြစ်ပယ်ကာထားနေတယ်

သိက္ခာတွေတုန်းအောင်ဖြုန်းပြစ်ပြီးမှ

ငါနှယ်........... မိုက်မိတာပါလို့

နောင်တတွေနဲ့

အရေမရ အဖတ်မရဖြစ်နေပြီလား

တွေးကြည့်ပါ ပြေးမကြည့်မိစေနဲ့

မောမှာစိုးလို့

အသိတွေမြင်ပြီး

အခုကိုပြင်လို့ ရသေးတယ်

ဘယ်တော့မှ နောက်မကျဘူးကွယ် ။ 

jasmine

ဟိုရောက်ဒီရောက် (၃) မေ့မရခြင်း

ပန်းတွေခင်းတဲ့ လမ်းပဲ ဖြစ်ဖြစ်

ဆူးတွေကြမ်းတဲ့ လမ်းပဲဖြစ်ဖြစ်

လျှောက်ရမယ့် ဘ၀လမ်းပါပဲ 

ဖဲမွေ့ယာ ဖြစ်ဖြစ်

သင်ဖြူးဖျာ ဖြစ်ဖြစ်

အိပ်ရမယ့် ဘ၀ခန်းပါပဲ

ရွှေးချယ်ပိုင်ခွင့် ရှိသူ

ရွှေးချယ်ပိုင်ခွင့် မရှိသူ

တချို့အရာ ကိုယ်တိုင်အဆုံးအဖြတ်

တချို့အရာ ဘုရားသခင် ရဲ့ အဆုံးအဖြတ်

သင်လက်ခံပေးပါ

ပြိုင်ချင်သလောက်ပြိုင်

သင်ထိပ်ဆုံးရောက်ချင်လဲ

သူတပါးကံ 

အသင် ယူနိုင်ပါသလား

တရားသဘောနဲ့

လက်တွေ့ဆန်ဆန်

ဘ၀တွေ ဇာတ်သိမ်းရတာ မြန်လွန်းလှပါတယ်

ဂရုဏာ တရား လက်ကိုင်ထားပြီး

အသင် ဇာတ်သိမ်း ခန်းလေးလှပါစေ ။

(၂၀၀၆ ခုနှစ်ကခံစားခဲ့ရသောခံစားချက်တချို့)

jasmine

မြင်ကွင်းတချို့

ဘ၀မှာ ရတာတွေများခဲ့လဲ

ငါ မလိုအပ်တဲ့အရာတွေပါ

ကိုယ့်ကျိုးစားမှုမပါပဲ

စိုင်ကော်လို့ချုံပေါ်ရောက်ခဲ့ရတဲ့ ဘ၀မျိုး

တခါတစ်ရာဖြစ်စေဦးတော့

ငါ ငြင်းပယ်ရလိမ့်မယ်

တော်ဝင်တဲ့ သဇင်တွေပေါပေမယ့်လဲ

မြေမှာကြွေနေတဲ့ ခရေကိုပဲ

မြတ်မြတ်နိုးနိုး ကောက်ယူနေသူပါ

လူတွေရဲ့ ရိုးသားခြင်းကို

အဆိပ်ခပ်လိုက်တာလဲ

လူတွေပါပဲ

အဲတာ မင်းငြင်းမလို့လား

ရင်ဘတ်ရှေ့ခြမ်းက အကြင်နာကိုပဲ

သူတို့မြင်ကြတယ်

မမြင်နိုင်ခြင်း နောက်ကွယ်

ကျောကုန်းထက်က မာယာတွေ

တပွေ့ တပိုက်ကြီး

မြင်နေရလဲ မသိသလိုလုပ်နေကြတဲ့ သူနဲ့

မမြင်သလိုဟန်ဆောင်ပြီးနေတဲ့ သူနဲ့

အားလုံးကို ငါတွေ့လိုက်ရတယ် ။

ငါတို့ အကြောင်း မကောင်းပြောတဲ့အသံ

ကြားလိုက်ရလို့ လှည့်ကြည့်မိတယ်

ရင်းရင်းနှီးနှီးပါပဲလား ကြွေးတောင်မဆပ်သေး

 နောက်ကြော ဓားနဲ့တေ့လို့

လှည့်ကြည့်မိတယ်    

 နောက်တခု

ချောက်ထဲတွန်းလို့

လှည့်ကြည့်ပြန်တယ်

အရမ်းကို သိတဲ့မျက်နှာတွေ

ရေခဲဝတ်တွေအုပ်လို့

အထုပ်အထည်နဲ့ လူမိဆိုသလို

ပြောင်နိုင်တဲ့ ဒီမျက်နှာ

တောင်ကြည့် မြောက်ကြည့်

ကြောင်တောင်တောင်လို

တတ်လဲ တတ်နိုင်ပါရဲ့နော် ။

ငါ့ရဲ့ အသိစိတ်တွေ

ပိတ်ဆို့ဖို့ မကြိုးစားပါနဲ့

ငါ့ရဲ့ ဖြူစင်ခြင်း အတွက်

မင်းပေးတဲ့ ရောင်စုံခဲတံတွေ

ငါမလိုအပ်ခဲ့ဘူး

မဲနေတဲ့ မင်းသိက္ခာရယ်

တဲတဲလေးကျန်နေတဲ့ မင်းရဲ့

ဂတိတွေကို ဘာနဲ့ ဆေးပြီး

ဘယ်လိုပြန်ဆက်မယ်စိတ်ကူးထားပါသလဲ

ဘယ်လိုပဲဖြစ်ဖြစ်

မင်းစိုက်တဲ့ အပင်

ချဉ်လဲ မင်းအသီး

ချိုလဲ မင်းအသီးပါပဲ

ကမ္ဘာကျော် အဆိုအမိန့်တွေကို

အာဂုံဆောင်ပြီး

ရွတ်ပြနေတာ ခလေးတွေအလုပ်ပါပဲ

မင်းအတွက်နဲ့တော့

ကိုယ့်စိတ်ကို ဖျားနာမှုမပေးချင်ဘူး။

ဘ၀ရဲ့ လမ်းတွေမှာ

လကာင်္ချောစေဖို့ သူ့ထက်ငါ 

လမ်းတွေ ဦးကြ

ဖိနပ်တွေလုကြ

ထီးတွေခိုးကြ

အပြိုင်အဆိုင် 

 စတိုင်တွေက

ခပ်ထွားထွားပေါ့

အဲဒီထဲ မင်းထိပ်ဆုံးဖြစ်နေပါပြီကွယ်။

jasmine

လွင်ပြင်လှိုင်းငယ် ဘလော့ ၁ နှစ်ပြည့် အမှတ်တရ

 ကာရံတွေရင်ထဲမှာပျိုးထားပေမယ့် ပြုစုပျိုးထောင်မယ့် ဥယျာဉ်မှူးတစ်ယောက်တော့လိုမှာပါ ။ ကာရံတွေ ကဗျာဖြစ် လူတွေချစ်လာအောင် ပြုစုပျိုးထောင်တဲ့ လင်တော်မောင်လက်စုံဟာ ကျွန်မအတွက်တော့

အားတစ်ခွက်ဖြစ်သလို ကျောက်စက်ရေထက် အေးမြတဲ့ သူ့အပြုံးတွေဟာ အမုန်းမဲ့တဲ့ နှလုံးသားနှစ်ခုရဲ့

တံတားတစင်းလိုပါပဲ ။ ချစ်ခြင်းအတွက်စစ်ခင်းနေတဲ့ ကမ္ဘာမြေကြီးအပေါ်မှာ ကျွန်မတို့နှစ်ယောက်ကတော့

သူကကျွန်မကိုပိုချစ်တယ် ကျွန်မကသူ့ကိုပိုချစ်တယ်နဲ့ နှလုံးသားစစ်သလင်းမှာ အချစ်စစ်ကိုပြိုင်ရင်း

သူကဗိုလ်စွဲလိုက် ကျွန်မက အနိုင်ရလိုက်နဲ့ ချစ်ခြင်းကောင်းကင်မှာ သံယောဇဉ်ကြယ်စင်နဲ့ ချစ်ခြင်းလမင်းက

ထာဝရထွန်းလင်းနေပါလိမ့်မယ် ။

ကျွန်မ သူ့ကိုအရမ်းချစ်ရပါတယ် အဲတာတွေ သူလဲသိပါတယ် ကျွန်မဘာလုပ်ချင်လဲ (ဘာကိုစိတ်ဝင်စားလဲ) မသိတဲ့အရာကိုလဲ သိအောင်ကျိုးစားပြီး ကျွန်မအတွက် သူ အမြဲဆောင်ရွက်ပေးနေတယ်

ကျွန်မ ကဗျာတွေကိုစိတ်ဝင်စားတယ် ကဗျာတွေရေးနေချင်တယ်

အရာရာပေါ့နော် ကျွန်မရဲ့ ရင်ထဲက သံစဉ်တွေ နှလုံးသားထဲက ပုံရိပ်တွေ အရာထင်အောင်

သူ ဦးဆောင်ပြီးပြသခဲ့တယ် ကျွန်မကို အားပေးရင်းနဲ့ သူလဲ စာတွေကဗျာတွေကိုချစ်တတ်လာပြီး

သူကိုယ်တိုင်လဲ ကျွန်မချစ်တဲ့အရာကို ချစ်အောင်ကြိုစားတယ်  (သူလုပ်နိုင်တယ်)

အဲတာ ကျွန်မရဲ့ လမ်းပြကြယ်လေး ကျွန်မရဲ့ စိတ်ဓါတ်များစွာကို ချောက်ထဲမကျအောင်ဆောင်ရွက်ပေးသူကတော့

ကျွန်မချစ်လင် ကိုလွင်ပြင်ပါပဲ ဒီနေ့ ကျွန်မကို တွန်းပို့ရင်းနဲ့ သူလဲ ဘလော့ လောကထဲဝင်လာတာ

၁- နှစ်ပြည့်ခဲ့ပါပြီ (၁ နှစ်သားလေးဘလော့ပေါ့နော်)

ကျွန်မရဲ့ အိပ်မက်တွေ အမြဲအကောင်အထည်ဖော်ပေးပြီး သူကိုယ်တိုင်လဲ စာတိုစာစလေးတွေနဲ့

ပျော်မွေ့လာပါတယ် ကျွန်မကလဲ အဲဒီ အပြုအမူ ကိုကျေနပ်နေပါတယ် စာဖတ်ရင်လဲ ကျွန်မကကောင်းတယ်

ဖတ်ကြည့်ပါ ဆိုရင်သူကလဲလိုက်ဖတ်ပါတယ်

စာပေ ကို စိတ်ဝင်စားခဲ့တာ ကျွန်မ၀မ်းသာရပါတယ်

ဒီနေ့ ၁ နှစ်ပြည့်လေးမှ နောင်နှစ်ပေါင်းများစွာ စာတွေကဗျာတွေ အများကြီးရေးနိုင်ပြီး ချစ်ရပါသော

ဘလော့လေးကိုလဲ ကျွန်မနဲ့အတူ နှစ်တစ်ရာတိုင်မက ဖြတ်သန်းနိုင်ပါစေလို့ ဆုတောင်းရင်း-----

စာပေအကြောင်း ကဗျာအကြောင်း

တို့နှစ်ယောက်အတူဆွေးနွေးရင်းပေါ့

အသဲလဲမအေးရအောင်

အငြိုးအတေးလဲ မထားရအောင်

ဘ၀တွေ ပျော်ရွှင်စွာဖြတ်သန်း

တခါတရံ မျက်ရည်တွေ ကြွေ

တခါတရံ အပြုံးတွေဝေ

ကြွေရင်လဲ ကဗျာဖြစ်

ဝေရင်လဲ ကဗျာဖြစ်

အဲတာ အချစ် စစ်စစ် နဲ့

ဘလော့လေးကို ပစ်မသွားပဲ

အသဲကြားသိမ်းကာထားလို့

တို့နှစ်ယောက်နဲ့ အတူ ။  ။

jasmine

အလွမ်းကို တန်ဖိုးထားတတ်သူများအတွက်

ကမ္ဘာကို လေညင်း မိတ်ဆက်

သစ်ရွက်တို့ တိတ်တဆိတ်လွင့်ကြွေလဲ

လှတဲ့ ဤကမ္ဘာ ။

ကမ္ဘာကို နေရောင်ထိုး

တိုးတိုးလေးလွမ်းပြီး

မိုးကောင်းကင်ကို မော့မော့ကြည့်လဲ

မြင်နေရတာ

လှတဲ့ ဤကမ္ဘာ ။

ကမ္ဘာကို လရောင်မိုး

မလင်းတလင်းညကို

ကြယ်တွေသွန်ဖြိုး

မထင်မှတ်တဲ့ 

နှစ်လုံးသား နှစ်ခုကတော့

အလွမ်းမိုးတွေ ရွာမလိုပေါ့ကွယ် ။

ကမ္ဘာကြီး ဘယ်လိုဖြစ်နေပါစေ

ချစ်ရသူ သက်ထား 

လွမ်းရတဲ့ အလွမ်း

အမြဲ ခုံမင်နှစ်သက်စွာနဲ့

မေ့မပစ်ရက်ဘူးကွယ် ။

ဒီအလွမ်း

ဘယ်သူမှ သိစရာမလိုပါဘူး

ရင်းနှီးခဲ့တဲ့ နှစ်လုံးသားနှစ်ခု

အသိအမှတ်ပြုရင် ရပါပြီ ချစ်သူ ။

ကမ္ဘာကို မုန်တိုင်းထန်

ချစ်သူကိုလွမ်းတဲ့အကြိမ်တိုင်း

နှလုံးသားတွေ တစစ်စစ်နာလဲ

မင်း ကိုလွမ်းတဲ့အလွမ်းတွေကို

အပို အလိုမရှိတဲ့ နှလုံးသားထဲ

အပေါက်အပြဲ ဖြစ်နေစေတော့

အမြဲ ပျော်ရွှင်စွာနဲ့

ထုပ်သိမ်းထားပါရစေ  ချစ်သူ ။

(ချစ်ရသူကို သိပ်ချစ်ခဲ့ရလို့ လွမ်းနေတယ်ဆိုတဲ့ သူငယ်ချင်းတွေအတွက်

ရေးဖွဲ့ခြင်းသာဖြစ်ပါသည်)

jasmine

ပျိုမြစ်တဲ့ ချစ်ခြင်း

ဖြစ်သမျှ အကြောင်း

အကောင်းတွေပါပဲ

အပေါင်းအသင်းတွေလဲ

လက်ကုန် ခြေပန်း

ကူညီချင်တဲ့စိတ်တွေလဲ

ကုန်ခန်းနေပြီလေ

အမှောင်ပြီးရင်အလင်း

ညတွေဖြတ်သန်းပြီးရင်နေ့ တဲ့လေ

ငါ့ရင်ထဲမှာတော့

ကဗျာပြီးရင်ကဗျာတွေပါပဲ ။

တခုခု ကိုအကောင်အထည်ဖော်မလို့ပါပဲ

ပြိုပျက်ခြင်းတွေကလဲမြန်လိုက်တာ ။

သူ့ရင်ဘတ်နဲ့ ကိုယ့်ရင်ဘတ်

ဘယ်တော့များ ထုတ်ချင်းပေါက်မြင်နိုင်မလဲ

စဉ်းစားရင်းနဲ့ အချိန်တွေကုန်

ဖြူစင်မှုတွေဖုန်တက်ခဲ့ရတယ်

ကံဆိုးမှုတွေမရှောင်နိုင်လို့

သံယောဇဉ်တွေလဲ ပုတ်သိုးခဲ့ရတယ် ။

လွယ်မယောင်ထင်နေရပြီး

အမြစ်တွယ်ခဲ့တဲ့ သံယောဇဉ်

တိမ်မယောင် နင်ထင်နေတဲ့

နက်ရှိုင်းတဲ့ ငါ့ အကြင်နာ

မင်းရင်ထဲ မထားပဲ

စွန့်ပစ်ဖို့ ကြိုးစားနေတာ

ဘယ်သူ့အမှားလဲ ။

ချစ်သူရေ   နောက်ဆုံးတော့

နှလုံးသားတွေမှိုတက်နေပြီး

ယိုထွက်နေတဲ့ သွေးမျက်ရည်တွေထဲက

ပျိုမြစ်တဲ့

ချစ်ခြင်းတရားတွေအပြည့်ပါကွယ် ။ 

(အသဲကွဲနေပါတယ်ဆိုတဲ့ သူငယ်ချင်းအတွက် )

jasmine

ကဗျာတို(၆)

ချစ်သူ

အောက်ပါအကြောင်းအရာများ

အသေအချာရှိနေခဲ့တာကို
ယုံပေးပါနော်

( ကောင်းကင်မှာတိမ်တအုပ်

လက်ထဲမှာ စံပယ်တဆုပ်

 သေချာထုပ်ပြီး သိမ်းထားတာက

ချစ်သူအတွက်  

 ရင်ထဲက  ကဗျာတပုဒ်)

jasmine